नवी दिल्ली: 8 नोव्हेंबरला पंतप्रधान नरेंद्र मोदींनी नोटाबंदीचा निर्णय घेतला. त्याच्या दुस-या दिवशीपासून अनेक ब्लॅकमनी धारक ब्लॅकमनी व्हाईट करण्याच्या प्रयत्न होते. त्यामुळे इन्कम टॅक्स विभागानं छापे मारण्याचा सपाटा लावला. 9 नोव्हेंबरपासून 10 जानेवारीदरम्यान इन्कम टॅक्स विभागानं 1100 पेक्षा अधिक ठिकाणी छापे टाकून 610 कोटी रुपये जप्त केले आहे. तर 5400 कोटी रुपयांची अघोषित संपत्ती त्यांना आढळली आहे. तिचा तपास सध्या करण्यात येत आहे. अशी माहिती केंद्रीय अर्थ राज्यमंत्री संतोष कुमार गंगवार यांनी लोकसभेत दिली आहे.
लोकसभेमध्ये शिमला येथील खासदार विरेंद्र काश्यम आणि इतर दहा खासदारांनी याबाबत प्रश्न विचारला होता. यावर गंगवार यांनी लोकसभेत याची लेखी माहिती दिली आहे. प्राप्तिकर विभागानं केलेल्या कारवाईत 513 कोटी रुपयांच्या रोख रकमेसह सोने, दागिने आणि चांदीचा समावेश असलेली एकूण 610 कोटी रुपयांची मालमत्ता जप्त करण्यात आली आहे. तर 110 कोटी रुपये किंमतीच्या नव्या नोटा जप्त करण्यात आल्या आहेत.
आता पर्यंत 5100 जणांना नोटीस पाठविण्यात आली आहे. रिझर्व्ह बँक ऑफ इंडियाकडे १0 डिसेंबरपयर्ंत 12.44 लाख रुपये किंमतीच्या पाचशे आणि हजार रुपयांच्या जुन्या नोटा जमा झाल्याचेही गंगवार यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
