Connect with us

महाराष्ट्र

अंत्यविधी करून परतताना ६ जणांचा मृत्यू

News Desk

Published

on

बेळगाव | उसाने भरलेल्या ट्रकला पाठीमागून मोटारीची जोरदार धडक बसून नातेवाईकाचे अंत्यविधी करुन परतणाऱ्या गाडीचा बेळगावमधील गोकाक तालुक्याजवळ काल(३ डिसेंबर) रात्री अपघात झाला आहे. या अपघातात सहा महिलांचा जागीच मृत्यू झाला आहे, तर १० जण जखमी झाले आहेत. सर्व मृत महिला व जखमी सौंदत्ती तालुक्यातील माडमगेरी व यरझरवी येथील रहिवासी आहेत.

मृतांमध्ये गंगव्वा हुरळी (वय ३०), काशवा खंडरी (७०), यल्लव्वा पुजारी (४५), यल्लव्वा गुंडाप्पानवर (४०), रेणुका सोपडला (३४) व  मल्लव्वा खंडरी (५०) अशी मृतांची नावे आहेत. सौंदत्ती तालुक्यातील सुमारे पंधराहून अधिक जण बोलेरोमधून गोकाक फॉल्स येथे अंत्ययात्रेला गेले होते. अंत्ययात्रा आटोपून परतताना हिरेनंदी येथे बंद पडलेल्या उसाच्या ट्रॅक्टरला बोलेरोची पाठीमागून जोरदार धडक बसली.

तसेच मोटारीतील चार महिला जागीच ठार झाल्या. उर्वरित दोघींचा प्राथमिक आरोग्य केंद्रात उपचार सुरू असताना मृत्यू झाला, याशिवाय या घटनेत दहा जण जखमी झाले आहेत त्यांच्यावर प्राथमिक रुग्णालयात उपचार सुरू आहेत. या घटनेची गोकाक पोलिसांत नोंद झाली आहे.

 

 

महाराष्ट्र

धुळे-नगर महानगरपालिकेत भाजपचे वर्चस्व

News Desk

Published

on

धुळे | भाजपचे कमळ फुलण्याची चिन्हे धुळे आणि अहमदनगर  महानगरपालिकेच्या निवडणुकांमध्येही दिसत आहेत. काँग्रेस-राष्ट्रवादीची आघाडी आणि शिवसेनेने सोडलेली साथ अशा प्रतिकुलू परिस्थितीवर मात करत भाजपने धुळे आणि नगरमध्ये बाजी मारली आहे.

२०१३ साली झालेल्या धुळे महानगरपालिका निवडणुकीत भाजपला फक्त तीन जागा मिळाल्या होत्या. अहमदनगरमध्येही त्यांचे फक्त नऊ नगरसेवक होते. आज(१० डिसेंबर) सकाळपासून सुरू झालेल्या मतमोजणीत भाजपने धुळ्यात ३० जागांचा टप्पा ओलांडला आहे. तर नगरमध्ये १९ जागांवर आघाडी घेतली आहे. अनिल गोटे यांनी बंडाचा झेंडा फडकवल्याने काँग्रेस आघाडीसह, शिवसेनेच्याही आशा पल्लवित झालेले चित्र दिसत आहे. परंतु लोकसंग्राम पक्षाला मतदारांनी साफ नाकारलेले चित्र दिसून येत आहे.

अनिल गोटेंबद्दलची नाराजी असल्याचे चित्र दिसून येत आहे. त्यामुळे त्यांचे बंड भाजपच्या पथ्यावरच पडल्याचे मानले जाते. तसेच मुख्यमंत्री देवेंद्र फडणवीस यांच्यावरील मतदारांचा विश्वास, या निकालांमधून पुन्हा सिद्ध झाला आहे. मराठा आरक्षणही भाजपला फळल्याचे जाणकारांचे मत आहे. धुळे आणि अहमदनगर महानगरपालिकांमध्ये  अंतिम आकडे कसे असतील आणि त्यानंतर काय समीकरणे पाहायला मिळतात, याबद्दल उत्सुकता आहे.

Continue Reading

महाराष्ट्र

धुळे-नगर महापालिका निवडणुकांचे निकाल आज

News Desk

Published

on

धुळे | धुळे आणि अहमदनगर महानगरपालिका निवडणुकांसाठी रविवारी (९ डिसेंबर) मतदान प्रक्रिया पूर्ण झाली आहे. धुळ्यामध्ये ६० टक्के तर अहमदनगरमध्ये ७०% मतदानाची नोंद झाली आहे. धुळे महानगरपालिकेच्या १९ प्रभागातील एकूण ७३ जागांसाठी तर अहमदनगर महानगरपालिकेच्या १७ प्रभागातील एकूण ६८ जागांसाठी मतदान घेण्यात आले.

धुळे आणि अहमदनगर या दोन्ही ठिकाणी आज (१० डिसेंबर) सकाळी १० वाजल्यापासून मतमोजणीला सुरुवात होणार आहे. तर दुपारी १२ वाजल्यापासून या निवडणुकांचे निकाल जाहीर होण्यास सुरुवात होणार आहे. दरम्यान, शनिवारी (८ डिसेंबर) रात्री धुळे निवडणुकांच्या आदल्या दिवशी आमदार अनिल गोटे यांच्या गाडीवर हल्ला करण्यात आला होता. अनिल गोटे यांनी हा हल्ला भाजपच्या गुंडांकडूनच करण्यात आल्याचा आरोप केला असून त्यांनी पोलिसांवरही गंभीर आरोप केले आहेत.

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या