मुंबई | विनाशकारी रिफायनरी विरोधीसंघर्ष समितीचे अध्यक्ष अशोक वालम यांच्या नेतृत्वाखाली कोकण रिफायनरी प्रकल्प विरोधी संघर्ष समितीच्या शिष्टमंडळाने शनिवार 14 एप्रिल रोजी टिळक भवन दादर येथे काँग्रेस प्रदेशाध्यक्ष खासदर अशोक चव्हाण यांची भेट घेऊन चर्चा केली. नाणार परिसरात होऊ घातलेल्या रिफायनरी विरोधात सध्या ही संघर्ष समीती महत्वाच्या नेत्यांची भेट घेत आहे.
यावेळी कोकण रिफायनरी प्रकल्प विरोधी संघर्ष समितीच्या कार्यकर्ते सदस्य आणि पदाधिकाऱ्यांशी संवाद साधताना खासदार अशोक चव्हाण म्हणाले, लोकांची घरे दारे उध्वस्त करून त्यांच्या पुनर्वसनाचा विचार न करता हा प्रकल्प होणे हे आम्हाला कधीच मान्य होणार नाही. लोकांचे प्रश्न मार्गी लावा आणि मगच पुढचे पाऊल टाका असा सल्ला यावेळी बोलताना चव्हाण यांनी भाजप सरकारला दिला. २० एप्रिल रोजी काँग्रेसचे शिष्ट मंडळ नाणारला जाणार असून प्रकल्पग्रस्तांची भेट घेणार आहे. आंदोलनात लोकांसोबत राहण्याची भूमिका काँग्रेस पक्षाने घेतली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
