मुंबई | बिहारच्या विधानसभा निवडणुकीत एनडीएने बाजी मारली. तर बाकी पक्षांना हार मानावी लागली. यात शिवसेनेलाही हार पत्करावी लागली आहे. यावरुन भाजप नेते किरीट सोमय्या यांनी शिवसेनेला टोला लगावला आहे. सर्व उमेदवारांचे डिपॉझिट जप्त होण्याची वेळ ओढवलेल्या शिवसेनेला भाजप नेते किरीट सोमय्या यांनी डिवचले आहे. बिहारमध्ये शिवसेनेच्या सर्व उमेदवारांचे डिपॉझिट जप्त झाले. आपापल्या मतदारसंघात त्यांना एक टक्काही मते पडली नाहीत. मग आता उद्धव ठाकरे आणि संजय राऊत यांचा चमत्कार कुठे गेला, असा बोचरा सवाल विचारत सोमय्या यांनी शिवसेनेच्या जखमेवर मीठ चोळले आहे.
Bihar me Chamatkar ki bat karnewali Shivsena ki Deposit gayab. 1% Votes bhi Nahi Mile. Where is Chamatkar Mr Uddhav Thackeray???
बिहार मधे शिवसेनेची डीपोझिट गुल. १% व्हॉट्स पण नाही. श्री उध्दव ठाकरे आणि श्री संजय राऊत कुठे आहे आपला चमत्कार? @BJP4Maharashtra @Dev_Fadnavis— Kirit Somaiya (@KiritSomaiya) November 10, 2020
भाजपला शह देण्यासाठी शिवसेनेने बिहारमध्ये २३ जागांवर उमेदवार उभे केले होते. या निवडणुकीसाठी शिवसेनेला ‘तुतारी वाजवणारा मावळा’ हे चिन्ह मिळाले होते. त्यानंतर शिवसेनेच्या स्थानिक नेत्यांनी हिरीरीने प्रचारही केला होता. मात्र, एकूण 23 जागांपैकी 21 जागांवर शिवसेनेच्या उमेदवारांना ‘नोटा’पेक्षाही कमी मते मिळाली होती. त्यामुळे आता शिवसेनेकडून भाजपला काय उतत्र मिळणार हे पाहणे महत्वाचे असणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
