सत्तेत येण्यासाठी आम्ही अनेक आश्वासने दिली | गडकरी

मुंबई । ‘सत्तेत येण्यासाठी आम्ही अनेक आश्वासन दिली, आणि आता त्यातली काही आश्वासन आमच्या लक्षात देखील नाही.’ केंद्रीय मंत्री नितीन गडकरी यांनी कलर्स मराठी या वाहिनीवरील “अस्सल पाहुणे इरसाल नमुने” या कार्यक्रमामध्ये मुलाखती दरम्यान हे म्हणाले. पुढे असे देखील म्हणाले की, २०१४मध्ये लोकसभेच्या निवडणुकांमध्ये आम्ही सत्तेत येऊ याची खात्री आम्हाला वाटत नव्हती. या कार्यक्रमात गडकरींसोबत जेष्ठ अभिनेता नाना पाटेकर असे दोन दिग्गज व्यक्तींनी काल (४ ऑक्टोम्बर २०१८) रोजी कार्यक्रमांमध्ये हजेरी लावली होती. या कार्यक्रमात दोन्ही दोघांनी अनेक विषयांवर गप्पा मारल्या आहेत.

तसेच शरद पवार यासारख्या दिगग्ज नेत्यांचे कौतुक केले. शरद पवारांबद्दल गडकरी म्हणाले की, शरद पवारांना राजकारणात कोणीच ओळखू शकत नाही . त्यांनी शेती,औद्योगिक, शैक्षणिक, सामाजिक अशा अनेक क्षेत्रांचे त्यांना ज्ञान आहे. गप्पा मारतानाच्या दरम्यान शरद पवारांबद्दल कोणती बाब खटकते हा प्रश्न विचारल्यास गडकरी म्हणाले की,ते काय बोलतात आणि काय करतात हे त्यांनाच कळत नाही.

गडकरी यांनी उद्धव ठाकऱ्यांवरती कौतुकाचा वर्षाव करत म्हणाले की, बाळासाहेबांनंतर उद्धव ठाकऱ्यांनी शिवसेनाचे उत्तम प्रकारे नेतृत्त्व सांभाळले आहे. त्यांना मराठी माणसांनबद्दल आपुलकी आहे. तसेच त्यांनी पुढे असे देखील सांगितले की, ठाकऱ्यांनी सर्वसामान्य लोकांपर्यंत पोहोचले पाहिजेत, असे बोलून गडकरींनी ठाकरेंवर टीका केली.