मुंबई | काल (८ मे) औरंगाबाद येथे मालगाडी खाली चिरडून मृत पावलेल्या १६ मजूरांची घटना धक्कादायक आहेच. मात्र, यावरुन आता ठाकरे सरकारवर विरोधी पक्षाने टीकास्त्र सुरु केले आहे. विरोधी पक्ष नेते देवेंद्प फडणवीस यांनी या मजूरांना, कामगारांना आपापल्या गावी न पायी जाण्यापासून रोखावे, असे आवाहन राज्य सरकारला केले आहे. शिवाय केंद्र सरकारसोबत योग्य समन्वय साधून कसा प्रवास करता येईल, अशी व्यवस्था करावी असे त्यांनी ट्विट करत म्हटले आहे.
तसेच, औगंराबादनजीक जी घटना घडली तशा घटना अनेक शहरांतून येत असलेले हे विदारक चित्र सून्न करणार आहे. महत्वाचे म्हणजे त्यांनी राज्य सरकारला यावेळी विनंती करत असे म्हटले आहे की केंद्र सरकार रेल्वे देण्यास तयार आहे. त्यांच्याशी समन्वय साधावा, अशा आशयाचे त्यांनी ट्विट केले आहे.
अजूनही बरेच कामगार बांधव रस्त्याने पायीच प्रवास करताना दिसत आहेत.
— Devendra Fadnavis (@Dev_Fadnavis) May 9, 2020
बहुतेक शहरांमधून पुढे येत असलेले हे चित्र अतिशय विदारक आणि सुन्न करणारे आहे.
माझी राज्य सरकारला पुन्हा विनंती आहे की, केंद्र सरकार रेल्वे देण्यास तयार आहे.
(1/2)#Maharashtra
देवेंद्र फडणवीस यांनी केंद्रीय रेल्वे मंत्री पियूष गोयल यांच्याशी चर्चा केली असून १० रेल्वेगाड्या मुंबईतून उत्तर प्रदेशला जाणार असल्याचं सांगितलं आहे. “केंद्रीय मंत्री पियूष गोयल यांच्याशी चर्चा केली. त्यांचे मन:पूर्वक आभार! त्यांनी उत्तरप्रदेशचे मुख्यमंत्री योगी आदित्यनाथ यांच्याशी लगेच चर्चा केली. १० रेल्वेगाड्या मुंबईतून उत्तर प्रदेशला जाणार आहेत” अशी माहिती दिली. सोबतच सर्व कामगार बांधवांनी स्वतःची नोंदणी करून शासकीय व्यवस्थेतून प्रवास करावा. कृपया पायी चालत जाऊ नये अशी विनंतीही केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
