कोरोनाच्या आकडेवारीचे व्यवस्थापन करण्यापेक्षा वैज्ञानिक दृष्टीकोनातून उपाययोजनांवर भर द्यावा – फडणवीस

मुंबई | राज्यातील कोरोनाचा वाढता प्रादुर्भाव रोखताना सरकारने केवळ आकडेवारीचे व्यवस्थापन करण्यापेक्षा ठोस वैज्ञानिक दृष्टीकोनातून उपाययोजनांवर भर द्यावा, असा सल्ला विरोधी पक्षनेते देवेंद्र फडणवीस यांनी राज्यसरकारला दिला आहे. राज्यातील कोरोना चाचण्यांची संख्या वाढवण्यात आल्याचा दावा सध्या महाविकासआघाडी सरकारकडून केला जात आहे. या पार्श्वभूमीवर देवेंद्र फडणवीस यांनी ट्विट करत सरकारच्या दावा खोडून काढण्याचा प्रयत्न केला आहे.

Out of total 78,711 #COVID19 tests done on 6th Aug‘20
50,421 were antigen tests(64%)
&
only 27,440 were RT-PCR(34%)
&
850tests using other methods.This ratio has to be 1:1 & not 1:2.
Due to 65%failure rate of Antigen testing,RT-PCR is only considered as golden method for testing. pic.twitter.com/iVcwG1sfbi

— Devendra Fadnavis (@Dev_Fadnavis) August 9, 2020

“६ ऑगस्टला राज्यात एकूण ७८,७११ कोरोना चाचण्या झाल्याचे सरकारी आकडेवारीत नमूद करण्यात आले आहे. मात्र, यापैकी ५०,४२१ म्हणजे ६४ टक्के चाचण्या या अँटीजेन स्वरुपाच्या होत्या. तर केवळ २७,४४० चाचण्या या RT-PCR स्वरुपाच्या होत्या. उर्वरित ८५० चाचण्यांसाठी वेगळ्या पद्धतींचा अवलंब झाला होता. मात्र, अँटीजेन आणि RT-PCR चाचण्यांचे गुणोत्तर १:१ असे हवे”.

“कारण, ६५ टक्के अँटीजेन चाचण्या फोल ठरत असल्याचे निदर्शनास आले आहे. त्यामुळे कोरोनाच्या निदानासाठी RT-PCR हाच अधिक विश्वासार्ह पर्याय असल्याचे फडणवीस यांनी सांगितले. एका दिवसात ५४ हजारपेक्षा जास्त RT-PCR चाचण्या करण्याची आपली क्षमता आहे. राज्य सरकारने ही क्षमता पूर्णपणे वापरावी. कोरोनाच्या आकडेवारी लपवण्यापेक्षा किंवा तिचे व्यवस्थापन करण्याऐवजी राज्य सरकारने ठोस वैज्ञानिक उपाययोजनांच्या अंमलबजावणीवर भर द्यावा”, असा टोलाही यावेळी फडणवीस यांनी लगावला.

Maharashtra has 54,000+ RT-PCR testing capacity and we must utilise it to the full extent.
Our #COVID19 prevention strategy needs a more scientific approach rather than mere data management or data suppression.
It is my sincere request once again, to rethink on this strategy!

— Devendra Fadnavis (@Dev_Fadnavis) August 9, 2020