सांगली | जीवनात अपयश आले म्हणून आपण खचून जाऊ नये प्रामाणिक प्रयत्न करावा. ध्येय मोठे ठेवल्यास ध्येयापर्यंत पोहचता येते असे मत आय. ए.एस. अधिकारी गणेश टेंगले यांनी व्यक्त केले आहे. बाबरवस्ती पांडोझरी येथील जिल्हा परिषद प्राथमिक मराठी शाळेत आय.ए.एस. पदी निवड झाल्याबद्दल सत्कार सभारंभ कार्यक्रमात बोलत होते . स्वागत व प्रास्ताविक मुख्याध्यापक दिलीप वाघमारे यांनी केले. शाळा व्यवस्थापन समितीच्या वतीने हा सत्कार करण्यात आला.
यावेळी बोलताना ते पुढे म्हणाले, जिद्दीने अभ्यास केला एक ध्येय ठेवून तीन वर्षे मेहनत केली. जिल्हा परिषद शाळेत प्राथमिक शिक्षण झाले.आज कितीही वेगवेगळ्या शाळा निघाल्या तरी मोफत व गुणवत्ता पूर्ण शिक्षण जर गोरगरिबाच्या मुलांना मिळायचे असेल तर सरकारी शाळा हा एकमेव पर्याय आहे.
जत सारख्या दुष्काळी भागातून आल्याने आजूबाजूची परिस्थिती माहीती होती. त्याचा फायदा झाला.घरची परिस्थिती बरी होती वडील ऊस तोडणी मुकादम आहे. आई,भाऊ, कुंटुबाचे प्रोत्साहन मिळाले असेही ते यावेळी बोलताना म्हणाले. सदर कार्यक्रमाला शाळा व्यवस्थापन समिती अध्यक्षा सविता मोटे, केरुबा गडदे,नेताजी टेंगले,रियाज जमादार, मुख्याध्यापक दिलीप वाघमारे, पालक व विद्यार्थी उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
