मुंबई | कोरोनाच्या संकट काळात अंतिम वर्षाच्या परीक्षा घेण्यासाठी युजीसीने सांगितले होते. मात्र, राज्यात अंतिम वर्षाच्या परीक्षा घेणे अशक्य असल्याचे उच्च आणि तंत्रशिक्षण मंत्री उदय सामंत यांनी आधीही सांगितले होते. आज (१३ जुलै) मुख्यमंत्री उद्धव ठाकरे यांच्या उपस्थितीत राज्य आपत्ती व्यवस्थापन समितीची बैठक मंत्रालयात पार पडली. यावेळी विद्यापीठ अंतिम वर्षांच्या परीक्षांबाबत चर्चा झाली. त्यामध्ये ठाकरे सरकार परीक्षा न घेण्याच्या निर्णयावर ठाम असल्याचा निर्णय झाला.
महाराष्ट्रासह ६ राज्यांनी विद्यापीठांच्या अंतिम वर्षांच्या परीक्षा घेण्यास विरोध केला असला युजीसीच्या मार्गदर्शक सूचनांचे पालन करणे बंधनकारक असल्याचे मनुष्यबळ विकास मंत्रालयाने स्पष्ट केले आहे. गुणवत्ता आणि भविष्यातील संधीसाठी विद्यार्थ्यांचे शैक्षणिक मूल्यांकन महत्त्वाचे असल्याचेही मंत्रालयाने म्हटले आहे.
दरम्यान, तंत्रशिक्षण मंत्री उदय सामंत यांनी पत्रकार परिषदेत अंतिम वर्षाच्या परीक्षा न घेण्याच्या निर्णयावर ठाम असल्याचे सांगितले. राज्यात कंटेंटमेंट झोन आहेत, तर अशा भागात परीक्षा कशा घेणार? आणि काही महाविद्यालये अजूनही कोरंटाईन सेंटर आहेत. त्यामुळे राज्यात जी १२ हजार कंटेंटमेंट झोन आहेत तेथील विद्यार्थ्यांच्या परीक्षा कशा घेणार हा प्रश्न आहेच. सध्या परीक्षा घेणे म्हणजे विद्यार्थ्यांच्या जीवाशी खेळणे असेच होणार.
पालकांचा देखील याला विरोध आहे. त्यामुळे राज्य आपत्ती व्यवस्थापन यांच्याकडून २ वेळा युजीसीला विनंती केली आहे. त्यामुळे पंतप्रधान आणि युजीसीने याची दखल घ्यावी, अशी विनंती उदय सामंत यांनी केली. बंगळूरमध्ये विद्यार्थ्यांच्या परीक्षा घेतल्या त्यांना कोरोना संसर्ग झाला. त्यामुळे त्यांच्या जीवाशी खेळू नका, असे उदय सामंत म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
