मुंबई | एमपीएसीतील डमी रॅकेट प्रकरण आणि सरकारी नोकरभरतीत होणा-या घोटाळ्याच्या विरोधात पुण्याहून मुंबईच्या दिशेने विद्यार्थ्यांनी पायी मोर्चा काढला. विद्यार्थ्यांचा मोर्चा गुरुवारी सायंकाळी मुलुंड टोलनाक्यावर मुंबई पोलिसांनी रोखला. या मोर्चाला परवानगी नसल्याचे कारण सांगत मुलुंडच्या नवघर पोलिसांनी ४० ते ५० विद्यार्थ्यांना ताब्यात घेऊन या सर्व विद्यार्थ्यांना पोलिसांनी प्रभादेवीच्या भूपेश गुप्ता भवन येथे रात्रभर नजर कैदेत ठेवले.आज (शुक्रवारी) सकाळी १० वाजता त्या सर्व विद्यार्थ्यांना सोडण्यात आले.
एमपीएससीतील डमी रॅकेट प्रकरण, नांदेड पोलीस भरती, परिवहन निरीक्षक भरती आणि शिक्षक पात्रता परीक्षा घोटाळा या भ्रष्टाचाराचा निषेध व्यक्त करण्यासाठी विद्यार्थ्यांनी हा लाँग मार्च मोर्चा काढण्याचा निर्णय घेला. सरकारी नोकरीत होणारे घोटाळे आणि भ्रष्टाचार थांबविण्यासाठी भ्रष्टाचारविरोधी संघर्ष समितीने हे आंदोलन पुकारले आहे. या सर्व घोटाळ्यांची सीबीआय चौकशी करुन गुन्हेगारांना शिक्षा द्यावी, या सर्व मागण्या घेऊन १९ ते २५ मे असा पुणे ते मुंबई सात दिवसाचा पायी लाँग मार्च विद्यार्थ्यांनी काढला.
१९ मे रोजी पुण्यातील डेक्कनच्या नदीपात्र चौपाटी येथून या लाँग मार्चला सुरुवात झाली होती. हे विद्यार्थी तळेगाव, दाभाडे, लोणावळा, कर्जत, बदलापूर आणि ठाणे या ठिकाणी थांबा घेत मुंबईत दाखल झाले. हा मोर्चा आज आझाद मैदानावर दाखल झाला. विद्यार्थ्यांचे प्रवक्ते त्यांच्या मागण्यांचे निवेदन घेऊन राज्यपालांना भेटण्यासाठी गेले होते. पण राज्यपालांची भेट झाली नसून त्यांचे अप्पर सचिव डिसुझा यांची भेट झाली त्यांनी विद्यार्थ्यांच्या मागण्याबद्दल सकारात्मक भुमिका घेत राज्यपालांपर्यंत विद्यार्थ्यांच्या मागण्या पोहचविण्याचे आश्वासन दिल्याचे विद्यार्थ्यांचे प्रवक्ते पंकज चव्हाण यांनी सांगितले.
विद्यार्थ्यांच्या या मागण्या राज्यपालचे अप्पर सचिव डिसुझा यांच्यापर्यंत कधी पोहचवतील आणि राज्यपालापर्यंत हे पोहचल्यानंतर मुख्यमंत्र्यांपर्यंत या विद्यार्थ्यांच्या मागण्या कधी पोहचले. राज्यपालांचे अप्पर सचिव, राज्यपाल आणि मुख्यमंत्री हे सर्व चक्रपुर्ण होण्यासाठी किती वेळे लागेल याकडे विद्यार्थ्यांचे लक्ष लागले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
