मुंबई | जम्मू-काश्मीरमध्ये दहशतवाद्यांशी लढताना महाराष्ट्रातील सुपुत्र शहीद झाला आहे. मेजर कौस्तुभ प्रकाश राणे असे शहीद जवानाचे नाव असून ते ठाणे जिल्ह्यातील मीरारोड येथील रहिवासी होते. राणे हे भारतीय लष्कराच्या ३६ रायफल बटालियनमध्ये मेजर म्हणून कार्यरत होते. काश्मीरच्या गुरेज सेक्टरमध्ये दहशतवाद्यासोबत झालेल्या चकमकीत शहीद झाले. मेजर कौस्तुभ राणेच्या जाण्याने मुंबईसह महाराष्ट्रात शोककळा पसरली आहे.मेजर कौस्तुभ यांचे पार्थिव आज (बुधवारी) सकाळी ११ वाजताच्या सुमारास श्रीनगरहून दिल्लीला विमानाने येथून मुंबईकडे येणार आहे. दुपारनंतर कौस्तुभ यांच्या निवासस्थानी पोहचणार आहे.
कौस्तुभ राणेचा अल्प परिचय
मेजर कौस्तुभ राणे (२९) हे ठाणे जिल्ह्यातील मीरारोडचे रहिवासी होते. त्यांचे मूळगाव कोकणातील वैभववाडी आहे. कौस्तुभचे शालेय शिक्षण हॉली क्रॉस शाळेतून झाले असून त्यांचे वडील प्रकाश टाटा कंपनीत तर आई ज्योती या बोरिवली येथील गोखले शैक्षणिक संस्थेत काम करत होते. कौस्तुभच्या पश्चात आई-वडील, बहीण, पत्नी आणि अडी वर्षाचा मुलगा असा परिवार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
