कोल्हापूरतून २ लाख तर सांगलीतून ४ लाख नागरिकांचे स्थलांतर

पुणे | कोल्हापूर आणि सांगलीतील महापूरात आतापर्यंत ४० जणांचा मृत्यू झाला आहे. आज अखेर (११ ऑगस्ट) सांगलीतून ४ लाख ४१ हजार ८४५ नागरिकांचे स्थलांतरीत करण्यात आले तर कोल्हापूरातील २४९ गावांमधून ५० हजार ५९४ कुटुंबातील २ लाख ४५ हजार २२९ नागरिकांचे स्थलांतर झाल्याची माहिती जिल्हाधिकारी दौलत देसाई यांनी दिली आहे.

#MaharashtraFloods updates

➡️ अलमट्टीतून 530000, कोयनेतून 53882 तर राधानगरीतून 4256 क्युसेक विसर्ग

➡️ पूर ओसरु लागला; शिरोळमधून दीड लाखाहून अधिक जणांचे स्थलांतर

➡️ कोल्हापूर-सांगली महापुरात अडकलेल्या नागरिकांसाठी जीव धोक्यात घालून हवाईदलाचे सहाय्य pic.twitter.com/AJzhh7tPFm

— CMO Maharashtra (@CMOMaharashtra) August 11, 2019

कोल्हापूरात पावसाचा जोर कमी झाला आहे. मात्र अध्याप पाणी पातळीत घट होताना दिसत नाही. लक्ष्मीपुरी, बापट कॅम्प, जाधववाडी, कदम वाडी, महावीर कॉलेज परिसर, न्यू पॅलेस परिसर, कसबा बावडा आदी नागरी भागात शिरलेले पाणी कायम आहे. जिल्हाधिकारी कार्यालयात घुसलेले पाणी कमी झाले.

सांगली-कोल्हापूर मिळून 3,78,000 लोकांना सुरक्षित बाहेर काढले. 306 छावण्यांमध्ये त्यांची व्यवस्था!

(सांगली पत्रपरिषद, दि. १० ऑगस्ट २०१९)https://t.co/OZ2YVv0LDr pic.twitter.com/tvmbRKuwRE

— Devendra Fadnavis (@Dev_Fadnavis) August 11, 2019

ब्रह्मणाळमध्ये आज ५ जणांचे मृत्यू सापडले आहे. तर सांगलीत आतापर्यंत १९ जण आणि कोल्हापूरात ६ जणांचा मृत्यू झाला आहे. तर दोन्ही जिल्ह्यातून प्रत्येकी १-१ जण बेपत्ता असल्याची माहिती विभागयुक्ती दीपक म्हैसेकर यांनी दिली आहे. सांगली-कोल्हापूर मिळून ३,७८,००० लोकांना सुरक्षिस्थळी हलविण्यात आले आहे. ३०६ छावण्यांमध्ये त्यांची व्यवस्था करण्यात आल्याची माहिती राज्य सरकारने दिली आहे.

तसेच सांडवा, कालवा व विद्युतगृहाव्दारे वारणा धरणातून १६६५७ क्युसेक पाण्याचा विसर्ग सुरू आहे. तर कोयना धरणातून ५३८८२ क्युसेक्स विसर्ग सुरू आहे. अलमट्टी धरणातून ५ लाख ३० हजार क्युसेक्स इतका विसर्ग सुरू आहे. आयर्विन पुल सांगली येथे ५४ फूट ५ इंच इतकी पाण्याची पातळी आहे (धोका पातळी ४५ फूट) तर अंकली पुल हरिपूर येथे ५९ फूट ३ इंच इतकी पाण्याची पातळी आहे (धोका पातळी ५० फूट ३ इंच).