मुंबई । राज्यात कोरोनाचा कहर वाढत चालला आहे. राज्यातील आकडा दिवसेंदिवस मोठया प्रमाणात वाढत आहे. याच पार्श्वभूमीवर, आज (३ एप्रिल) एकाच दिवसात राज्यात तब्बल ४९ हजार ४४७ नव्या कोरोनाबाधितांची नोंद झाली आहे. राज्यातील आजची ही कोरोनाबाधितांची नोंद म्हणजे राज्य सरकारसमोरचे मोठे आव्हान आहे. या पार्श्वभूमीवर राज्य सरकारकडून कठोरात कठोर नियम लागू होण्याची शक्यता आहे.
राज्यात आज 49,447 कोरोना बाधीत रुग्णांची वाढ झाली व आज नवीन 37821 कोरोना बाधित रुग्ण बरे झाले आहेत.एकूण 2495315 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 401172 ऍक्टिव्ह रुग्ण आहेत.राज्यातील रुग्ण बरे होण्याचे प्रमाण आता 84.49% झाले आहे.#CoronaVirusUpdates
— Rajesh Tope (@rajeshtope11) April 3, 2021
जारी झालेल्या अधिकृत आकडेवारीनुसार, राज्यात आज नवीन 37 हजार 821 रुग्ण कोरोनामुक्त झाले आहेत. तर राज्यात सद्यस्थितीत एकूण 4 लाख 01 हजार 172 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 84.49% झाले आहे. राज्यातील हा कोरोनाचा कहर पाहता राज्य सरकार लॉकडाऊनचा निर्णय घेणार की कडक निर्बंध लावणार ? हे पाहणे महत्त्वाचे आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
