मुंबई | कोरोनाच्या पार्श्वभूमीवर यंदाच्या आषाढी एकादशीच्या वारीचे रूप बदलले. लाखो भाविकांच्या सोबतीने नाही तर यावेळी तीनही पालख्या एस.टीतून विठुरायाच्या दर्शनासाठी गेल्या. यावर भाजपने महाविकास आघाडी सरकारवर टीका केल्या आहेत. नेहमीच वादग्रस्त विधान करणारे भाजपचे नेते निलेश राणे यांनी पुन्हा एकदा ठाकरे सरकारवर तोफ डागली आहे.
संत निवृत्तीनाथ यांची यावेळी पालखी बसमधून नेण्यात आली. त्यावेळी निवृत्तीनाथ संस्थान त्रंबकेश्वर यांच्याकडून महाराष्ट्र राज्य परिवहन मंडळाने ७१ हजार रुपये घेतले. निवृत्तीनाथांच्या पादुका पंढरपूरला नेण्यासाठी पैसे घेतले, ठाकरे सरकार एवढं भिकारी आहे की त्यांच्याकडे ७१ हजार रुपये नाही? असे त्यांनी ट्विट केले आहे.
निवृत्तीनाथ संस्थान त्रंबकेश्वर कडून महाराष्ट्र राज्य परिवहन मंडळाने 71 हजार रुपये घेतले निवृत्तीनाथांच्या पादुका पंढरपूरला नेण्यासाठी. ठाकरे सरकार एवढं भिकारी आहे की त्यांच्याकडे 71 हजार रुपये नाही???
— Nilesh N Rane (@meNeeleshNRane) July 3, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
