सत्तेत राहून कामे करता येतात म्हणून शिवसेनेत प्रवेश | पांडुरंग बरोरा

ठाण्यातील राष्ट्रवादी काँग्रेसचे नेते आणि शहापूर विधानसभा मतदारसंघाचे बरोरा यांनी काल (९ जुलै) त्यांच्या आमदारकीचा राजीनामा दिला आहे. १९८० पासून पवार कुटुंबासोबत असलेल्या शहापूरमधील बरोरा कुटुंबाने अखेर पक्षासोबत फारकत घेतली. बरोरा आज शिवसेनेचे शिवबंध हाती बांधले आहे. ठाण्याचे पालकमंत्री एकनाथ शिंदे यांच्या उपस्थितीत बरोरा यांनी काल विधानसभा अध्यक्ष हरिभाऊ बागडे यांच्याकडे आपला राजीनामा सोपवला आहे.

ठाणे जिल्ह्यात जितेंद्र आव्हाड यांच्यानंतर पांडुरंग बरोरा यांच्याकडे राष्ट्रवादी नेते म्हणून पाहिले जात होते. राज्यात काँग्रेस-राष्ट्रवादची होत असलेली पिछेहट आणि भाजप नेत्यांचे वाढते प्रस्थ लक्षात घेऊनच बरोरा यांनी शिवबंधन हाती बांधणार आहे. आगामी ३ ते ४ महिन्यात विधानसभा निवडणुका होणार आहेत. त्यामुळे आमदारांकडूनही पक्षबदलीच्या हालचाली सुरू आहेत.