सांगली। नवरात्रीच्या निमीत्ताने केलेल्या प्रसादातून तालुक्यातील उटगीजवळील निगडी बुद्रुक येथे १०० लोकांना विषबाधा झाली घटना घडली आहे. काही जणांवर उमदी, उटगी आणि माडग्याळ येथील रुग्णालयांमध्ये उपचार सुरू आहेत. सध्या सर्व जणांची प्रकृती ठिक असल्याची माहिती वैद्यकीय अधिकारी डी. जे. पवार यांनी दिली आहे.
दसऱ्याच्या निमत्तिताने शिऱ्याचा प्रसाद करण्यात आला होता. हा प्रसाद खाल्याने विषबाधा झाल्याचे सांगण्यात येत आहे. प्रसाद खाल्यांनंतर अनेक जणांना उलटी, मळमळ, जुलाब होण्याच्या तक्रारी येऊ लागल्या होत्या. त्यानंतर ताबडतोप लोकांना सरकारी तर काही जणांना खासगी रुग्णालयात भरती करवण्यात आले. या गावातील शंभरहून अधिक जणांना विषबाधा झाली आहे. या प्रकणाची तपासणी आरोग्य विभाकडून सुरु आहे.
दसर्‍याच्या दिवशी गोडधोड आणि मांसाहारही केला जातो.”खंडेनवमीला मांसाहार आणि दसर्‍याला गोड नैवेद्य असतो. कदाचित दोन्ही पदार्थ एकत्र खाल्ल्याने विषबाधा झाली असावी”, अशी शक्यता वैद्यकीय अधिकाऱ्यांनी वर्तवली आहे. उमदी पोलिसांना या प्रकरणाची माहिती दिली असून, पोलीस त्याची चौकशी करीत आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
