बबड्याची सिरिअल पाहण्यात वेळ घालवण्याऐवजी विद्यार्थ्यांची अडचण समजून घेतली असती तर..रोहित पवारांचा शेलारांना टोला !

मुंबई | अंतिम वर्षांच्या विद्यार्थ्यांच्या परिक्षा रद्द न करता त्या होणार असल्याचा निर्णय सर्वोच्च न्यायालयाने दिला.या परिक्षा रद्द व्हाव्यात यासाठी राज्य सरकारने कोर्टात धाव घेतली होती मात्र कोर्टाने राज्याला परिक्षा घेण्याच्या सुचना केल्या आहेत. परिक्षा व्हाव्यात अशी भूमिका असलेल्या भाजपने न्यायालयाच्या निर्णयाचं स्वागत केलं. भाजप आमदार आशिष शेलार यांनी ठाकरे सरकारवर जोरदार टीकाही केली . त्यांच्या टीकेला राष्ट्रवादीचे आमदार रोहित पवार यांनी प्रत्युत्तर दिलं आहे. आमची परिक्षेबाबतची भूमिका तुमच्यासारखी राजकीय नाही तर विद्यार्थ्यांच्या काळजीपोटीच होती आणि राहील. पण बबड्याची सिरिअल पाहण्यात वेळ घालवण्याऐवजी विद्यार्थ्यांची अडचण समजून घेतली असती तर तुम्हालाही हे पटलं असतं, असा टोला रोहित पवार यांनी लगावला आहे.

आमची परिक्षेबाबतची भूमिका तुमच्यासारखी राजकीय नाही तर विद्यार्थ्यांच्या काळजीपोटीच होती व राहील. पण @ShelarAshish जी बबड्याची सिरिअल पाहण्यात वेळ घालवण्याऐवजी विद्यार्थ्यांची अडचण समजून घेतली असती तर तुम्हालाही हे पटलं असतं.आता त्यासाठी किमान आपल्या tweet खालील रिप्लाय तरी वाचाल. https://t.co/5rxIwyU2Rt

— Rohit Pawar (@RRPSpeaks) August 28, 2020

कोणालाही न जुमानता अंहकारातून विद्यार्थ्यांचे नुकसान केले, एका “बबड्याच्या” हट्टापायी राज्यातील 10 लाख विद्यार्थ्यांना नाहक मानसिक त्रास दिला, विद्यार्थ्यांना अखेर पर्यंत वेठीस धरले, शैक्षणिक वर्षाचा खेळखंडोबा केला, आम्ही या निर्णयाचे धोके वारंवार सांगत होतो पण.. अहंकार…! ऐकतो कोण? मा. सर्वोच्च न्यायालयाने अखेर न्याय दिला!, अशा शब्दांत आशिष शेलार यांनी ठाकरे सरकारवर टीका केली.

एका "बबड्याच्या" हट्टापायी राज्यातील 10 लाख विद्यार्थ्यांना नाहक मानसिक त्रास दिला…त्यांच्या शैक्षणिक वर्षाचा खेळखंडोबा केला…
आम्ही या निर्णयाचे धोके वारंवार सांगत होतो पण.. अहंकार…! ऐकतो कोण?
मा. सर्वोच्च न्यायालयाने अखेर न्याय दिला!
(2/3)

— Adv. Ashish Shelar – ॲड. आशिष शेलार (@ShelarAshish) August 28, 2020