तासगाव | शिवसेना तासगाव शहर प्रमुख संजयदाजी चव्हाण यांच्या नेतृत्वाखाली तासगाव नगरपालिकेच्या ढिसाळ कारभारामुळे व छत्रपती शिवाजी महाराजांचा पुतळा बसवण्यास दिरंगाई करत असल्यामुळे बेमुदत आमरण उपोषण आज सुरु करण्यात आले आहे. तमाम शिवप्रेमींनी १ जानेवारीला तासगाव बंद केले होते. यावेळी काही शिवसैनिकांनी नगराध्यक्षांची केबिन फोडली होती. सर्व शिवप्रेमींनी जागरण- गोंधळ करत अनोखे आंदोलन केले होते. आज शिवसेना शहरप्रमुख संजयदाजी चव्हाण यांच्यासह शिवसैनिक आमरण उपोषणास बसले आहेत, पुतळा कधी होणार हे नगरपालिकेने लिहून द्यावे त्याच दिवशी पूतळा बसला पाहिजे अशी मागणी आहे.
नेमके काय आहे प्रकरण ?
शिवाजी महाराज यांचा उभा पुतळा नगरपालिकेने कोणतीही परवानगी नसताना काढला आणि त्या ठिकाणी घोड्यावरचा पुतळा बसवायचा ठरला आहे. गेल्या तीन वर्षांपासून हे काम अत्यंत धीम्या गतीने सुरु आहे. याबद्दल विचारणा करताच नगरपालिकेचे तत्कालीन मुख्याधिकारी अभिजित वायकोस यांनी हे उडवाउडवीची उत्तरे देत असत. त्यानंतर नवे मुख्याधिकारी गणेश शिंदे आल्यानंतर शिवाजी महाराज यांचा जुना पूतळा कोणतीही परवानगी नसताना काढल्याचे लक्षात आले.
शिवसेना तासगाव शहर अध्यक्ष संजयदाजी चव्हाण यांच्या नेतृत्वाखाली शिवाजी महाराज यांचा पुतळा अद्याप पर्यंत बसवलेला नाही याचे निषेर्धात तासगाव नगरपालिकेच्या निषेर्धात तासगाव नगरपरिषद तासगाव समोर उपोषणाला बसले आहेत जनसमुदाय ५ ते ७ कार्यकर्तेसोबत बसले आहेत योग्य तो पोलिस बंदोबस्त ठेवण्यात आला आहे हालचालीवर लक्ष ठेवून आहोत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
