HW News Marathi
महाराष्ट्र

नगरपालिका- महापालिकांच्या आगामी निवडणुका जानेवारीत होणार असल्याचे वृत्त तथ्यहीन

मुंबई । राज्यातील नगरपालिका आणि महानगरपालिकांच्या (Municipal Elections) आगामी निवडणुका जानेवारी महिन्यात घेण्यात येणार आहेत, असे वृत्त काही प्रसारमाध्यमांनी दिले असून त्यात कोणतेही तथ्य नाही. यासंदर्भात सर्वोच्च न्यायालयात सुनावणी सुरू असून अंतिम निकालानंतर राज्य निवडणूक आयोग (Maharashtra Election Commission) या निवडणुकांसंदर्भात निर्णय घेईल, असे मुख्यमंत्री कार्यालयाने स्पष्ट केले आहे.

मुदत संपलेल्या नगरपालिका आणि महानगरपालिकांमध्ये प्रशासक नियुक्त केले असून त्यांच्या माध्यमातून कारभार सुरू आहे. स्थानिक स्वराज्य संस्थांच्या निवडणुका हा विषय राज्य निवडणूक आयोगाचा आहे. त्यामुळे राज्य शासन जानेवारी महिन्यात या निवडणुका घेणार आहे असे काही प्रसारमाध्यमांनी दिलेले वृत्त तथ्यहीन आहे, असेही मुख्यमंत्री कार्यालयाने स्पष्ट केले आहे.

Related posts

रोहीत पवारांचे उपमुख्यमंत्र्यांना पत्र, पत्रातून केली ‘ही’ मागणी 

News Desk

खोत, पडळकरांसह रात्रभर चर्चा; आज ST कर्मचारी संप मागे घेणार?

News Desk

‘अंग्रेजो के जमाने के जेलर’च्या भूमिकेत संजयच हवा असा हट्ट पवार साहेबांचा’, भाजपची टीका

News Desk