मुंबई । मराठा समाजाच्या वतीने गेल्या दोन वर्षांपासून आरक्षणासाठीचा लढा सुरू आहे. याच पार्श्वभूमीवर मराठा आरक्षण लागू व्हावे, २० जुलै पासून मराठा समाजाने ठिय्या आंदोलन पुकारले आहे. परळी येथील आंदोलनाला पाठिंबा देण्यासाठी चेंबूर येथील छत्रपती शिवाजी महाराज चौकात शुक्रवारी मुंबईतील मराठा क्रांती मोर्चाच्या वतीने ठिय्या आंदोलन करण्यात आले. चेंबूर येथील छत्रपती शिवाजी महाराज चौकात सकाळपासून मुंबईमधील मराठा क्रांती मोर्चाचे कार्यकर्ते मोठ्या संख्येने जमले होते.
मराठा आरक्षणाच्या मागणीसाठी राज्यात वेगवेगळ्या ठिकाणी मोठ्या प्रमाणावर आंदोलने सुरु झाली आहेत मराठा समाजाला आरक्षण मिळावे, तसेच न्यायालयाचा निर्णय होईपर्यंत सरकारने मेगाभरती थांबवावी. अशी आंदोलकांनी मागणी केली . दरम्यान सरकार जोपर्यंत लेखी आश्वासन देत नाही तो पर्यंत ठिय्या आंदोलन सुरूच राहणार असल्याचा इशारा मराठा समाजाच्या आंदोलकांनी दिला. यावेळी आयोजक युवराज सूर्यवंशी, महेश राणे, अभिजित सावंत, सूयाजी पाटील, इ. आयोजक उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
