नागपूर | महाराष्ट्राच्या काही भागात गेल्या दोन दिवसांपासून पाऊस पडत आहे. शुक्रवारपासून नागपूरमध्ये मुसळधार पाऊस सुरू आहे. पावासाचा जोर शनिवार आणि रविवारी देखील कायम राहणार असल्याची शक्यता हवामान खात्या कडून वर्तविण्यात आली आहे. त्यामुळे नागपूरमधील सर्व शाळा आणि महाविद्यालयांना सुट्टी जाहीर करण्यात आली आहे.
शुक्रवारपासून सतत सुरू असलेल्या पावसामुळे शहरात पाणी साचल्याने अनेक ठिकाणी वाहतूकीला अडतळे निर्माण झाले आहेत. त्यामुळे शहरातील वाहतूक विस्कळीत झाली आहे. याशिवाय काही भागांमधील वीजपुरवठादेखील खंडित झाला असून लोकांचे प्रचंड हाल देखील झाले. शुक्रवारी मुसळधार पावसाचा फटका विधीमंडळाच्या कामाकाजालादेखील बसला. विधीमंडळाचा वीजपुरवठा खंडित झाल्याने काल कामकाज होऊ शकले नाही.
आज हवामान खात्याने पुढील ४८ तासांमध्ये मुसळधार पावसाचा इशारा दिला आहे. या पार्श्वभूमीवर आज नागपूरमधील शाळा आणि महाविद्यालये बंद ठेवण्यात आली आहेत. नागपूरच्या महापालिकेत भाजपाची सत्ता असताना नागपूरात पावसाने पूर परिस्थिती निर्माण झाल्यामुळे विरोधकांनी मुख्यमंत्री देवेंद्र फडणवीसांना लक्ष्य केले आहे. विधीमंडळाचे कामकाज आणि नागपूरात पुरस्थिती निर्माण झाल्यामुळे आजच्या दैनिक सामनामध्ये देखील शिवसेना अध्यक्षांनी अग्रलेखाच्या माध्यमातून भाजपाचा चांगलाच समाचार घेतला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
