पुणे | ‘रसिक मित्र मंडळा’च्या ‘एक कवी-एक भाषा’ मासिक व्याख्यानमालेचे आयोजन शुक्रवार सायंकाळी पुणे येथील पत्रकार भवन, गांजवे चौक येथे करण्यात आले होते. ज्ञानपीठ विजेते श्रेष्ठ कवी ,उत्तम खवैय्ये ,दानशूर लेखक ,तरुण पिढीला नोकरीची जागा मिळावी म्हणून ५२ व्या वर्षी प्राध्यापकीचा राजीनामा देणारा सहृदय व्यक्ती ,सुतारकामाचा छंद जोपासणारा अवलिया अशी विंदा करंदीकरांची अनेक रूपे या कार्यक्रमात उलगडली.
यावेळी ’अखिल भारतीय मराठी साहित्य महामंडळाच्या माजी अध्यक्ष डॉ.माधवी वैद्य आणि विंदांच्या कन्या जयश्री काळे यांनी या कवी विंदा करंदीकर यांचा जीवनप्रवास उलगडला. व्याख्यानादरम्यान डॉ.माधवी वैद्य यांनी तयार केलेली विंदा करंदीकर यांच्या काव्यवाचनाच्या दृकश्राव्य ध्वनिचित्रफीती दाखविण्यात आल्या. कार्यक्रमाच्या अध्यक्षस्थानी विंदा करंदीकर यांची कन्या जयश्री काळे होत्या.
‘एक कवी -एक भाषा’ मासिक व्याख्यानमालेचे हे ५५ वे पुष्प होते . ‘रसिक मित्र मंडळ’ चे अध्यक्ष सुरेशचंद्र सुरतवाला यांनी डॉ माधवी वैद्य आणि जयश्री काळे यांचा सत्कार केला तर प्रदीप निफाडकर यांनी कार्यक्रमाचे सूत्रसंचालन केले .
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
