“उद्धव ठाकरे आणि शरद पवार गप्प का आहेत ?” चंद्रकांत पाटलांचा संतप्त सवाल
“आत्महत्याग्रस्त तरुणीचे फोटो संबंधित मंत्र्यासोबत प्रसिद्ध होऊनही त्याच्यावर कोणतीही कारवाई का होत नाही ?”, असा सवाल चंद्रकांत पाटील यांनी उपस्थित केला आहे.
“तरुणीच्या आत्महत्येचा आरोप असेलेले व लपून बसेलले राज्य सरकार मधील एक मंत्री आज 15 दिवसानंतर वाजतगाजत प्रकट होत आहेत. माध्यमांमध्ये दाखवत आहेत की की कसे त्या मंत्र्यांचे समर्थक जल्लोष करत गाड्यांमधून मिरवणूक काढत आहेत. आज एका वृत वाहिनीवर त्या मंत्र्यांचे आत्महत्याग्रस्त तरुणी सोबतचे फोटो प्रसिद्ध होऊनही राज्य सरकारने अजूनही ढिम्मपणे बघ्याची भूमिका घेतली आहे”, अशी संतप्त प्रतिक्रिया चंद्रकांत पाटील यांनी दिली आहे.
“एवढे पुरावे समोर येऊनही अजून काय सिद्ध होण्याचे बाकी आहे ? राज्य सरकार त्या प्रकरणावर कोणताही गुन्हा नोंदवून घेण्यास का तयार नाही आहे ? सत्तेचा गैरवापर करून कायदा खिशात घालण्याची परिसीमा या ठाकरे सरकारने ओलांडली आहे. आज जेव्हा या सर्व घडामोडी महाराष्ट्राच्या जनतेसमोर येत आहेत तेव्हा उद्धव ठाकरे आणि शरद पवार गप्प का आहेत ?”, असा सवालही चंद्रकांत पाटील यांनी केला आहे.
त्याचप्रमाणे, “तुम्ही तर महाराष्ट्राच्या अस्मितेचे संरक्षण केले पाहिजे पण उलट तुम्ही तर एका आरोपीला वाचवत आहात”, असा आरोप करत चंद्रकांत पाटील यांनी यावेळी “आत्महत्याग्रस्त तरुणीला न्याय मिळत नाही तोपर्यंत आम्ही गप्प बसणार नाही. गुन्हेगाराला शिक्षा झालीच पाहिजे”, अशी मागणी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
