मुंबई- एसटी संपाचा तिढा आज तिस-या दिवशीही कायम असून तो सुटण्याची लक्षणे दिसत नाही. एसटी कामगाार संघटना आपल्या पगार वाढीच्या मागणीवर ठाम आहे. तर सरकार मर्यादीत पगारवाढ देण्यास तयार आहे. ते मात्र एसटी संघटऩेला मान्य नाही.

कर्मचाऱ्यांना सातवा वेतन आयोग हवाच अशी भूमिकाही संघटनेनं घेतली आहे. त्यामुळे आजही हा संप सुरू आहे.

4 हजार ते 7 हजार ची पगारवाढ प्रशासनाने मान्य केलीय.पण हा प्रस्ताव आम्हाला मान्य नाही असे संघटनेनं स्पष्ट केले.

शासनाने 2.57 हजार कोटीची वाढ देण्याच मान्य केलंय. पण आम्हाला साडे 4 हजार कोटींची वाढ अपेक्षीत आहे

दरम्यान जे जास्तीत जास्त वेतनवाढ देणं शक्य होती ती ऑफर केल्याचे परिवहन मंत्री दिवाकर रावते यांनी स्पष्ट केले.

पण संघटनाच समाधान होत नाही. त्यामुळे बोलणी करण शक्य नाही. जी पगारवाढ दिली आहे ती गेल्या 77 वर्षातली सर्वात मोठी पगारवाढ असल्याचा दावा रावते यांनी केला. आता प्रशासन आणि कामगार संघटनेच्या वादात प्रवाशांचे नाहक हाल होत आहेत.