धमकी देणा-या विरुद्ध शिवाजीनगर नांदेड पोलिसांत गुन्हा दाखल

उत्तम बाबळे

नांदेड :- माजी आ.ओमप्रकाश पोकर्णा यांना व कुटूंबीयांना जीवे मारण्याची धमकी देणा-या एका इसमाविरुद्ध शिवाजीनगर ,नांदेड पोलिस ठाण्यात गुन्हा दाखल करण्यात आला आहे. नवा मोंढा नांदेड येथील निवासी असलेले प्रतिष्ठीत व्यापारी तथा कै.शंकर नागरी सहकारी बँकेचे संस्थापक अध्यक्ष,नांदेड माजी महापाैर, माजी आमदार ओमप्रकाश पोकर्णा हे माजी मुख्यमंत्री खा.अशोक चव्हाण यांचे विश्वसनिय सहकारी म्हणुन ओळखले जात होते.परंतू काँग्रेस पक्षातील नांदेड येथील कांही पदाधिका-यांसोबत त्यांची खटकली व त्यांनी काँग्रेस पक्ष सोडला.त्यांनी भाजपा मध्ये प्रवेश केला व माघील विधानसभा निवडणुकीत भाजपाचे उमेदवार म्हणुन नांदेड मधून याच पक्षाकडून निवडणुक लढविली.यात त्यांना यश आले नाही.परंतू न खचता त्यांनी पक्ष वाढीसाठी जोमाने काम सूरु ठेवले आहे.अशातच गेल्या कांही दिवसापासून गणेश सखाराम वाघमारे रा.सांगवी ता.जि.नांदेड हा इसम पोकर्णा यांच्या मोबाईलवर काॅल करत आहे व काॅल रिसीव्ह केला की धमक्या देत आहे.५ मार्च रोज रविवारी ही त्या इसमाने मा.आ. पोकर्णा यांना फोन केला व म्हणाला की मी तुला आणि तुझ्या कुटूंबीयांना जीवे मारुन टाकेन.तुला खतम करेन.सततच्या या धमक्यांना त्रासलेल्या मा.आ.पोकर्णा यांनी ६ मार्च रोजी शिवाजीनगर,नांदेड पोलिस ठाणे गाठले व काॅल समरी रेकाॅर्ड व्हाईस पोलिसांना एैकविला.तसेच रितसर तक्रार पण दिली.या तक्रारीवरुन शिवाजीनगर पोलिसांत गणेश वाघमारे विरुद्ध जीवे मारण्याची धमकी दिल्याचा गुन्हा दाखल करण्यात आला आहे.पुढिल अधिक तपास शिवाजीनगर पोलिस करत आहेत