मुंबई | मुंबईसह उपनगरात रविवारी रात्री पासून पावसाची धार सुरु आहे. सतत सुरु असलेल्या पावसामुळे सध्या मुंबईत 108 मिलीमीटर पावसाची नोंद झाली आहे. येत्या 24 तासात मुंबईसह उपनगरात जोरदार पावसाची शक्यता असल्याचा अंदाज हवामान खात्याकडून वर्तविण्यात आला आहे. मुंबईकरांना येत्या 24 तासात सतर्क रहाण्याचा इशारा देण्यात आला आहे.
पावसामुळे आठवड्याच्या पहिल्याच दिवशी कामावर जाण्यासाठी निघालेल्या चाकरमान्यांचे हाल होताना पहायला मिळत आहेत. रविवार पासून पडत असल्यामुळे पावसाचा परीणाम रेल्वे वाहतूकीवर झाल्याचे दिसून येत आहे. रेल्वे वाहतूक 10-15 मिनिटाने उशीरा होताना पहायला मिळत आहे.
मध्य, हार्बर व पश्चिम रेल्वेच्या वाहतूकीवर याचा परीणाम झाल्याने सकाळी लवकर निघालेल्या चाकारमान्यांना कार्यालयात पोहचायला विलंब होत आहे. रविवारपासून मुंबईसह , उपनगर, ठाणे, डोंबिवली, नवी मुंबई, याठिकाणी जोरदार पाऊस सुरु आहे. मुंबईत गेल्या 21 तासात 108 मिलीमीटर पावसाची नोंद झाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
