मुंबई | भारतीय जनता पार्टीच्या मुंबई सचिव दिव्या ढोले यांच्या नेतृत्वाखाली आज धारावीतील प्रमुख रस्त्यावर पडलेले खड्डे बुजवण्याचा (भरण्याचा) कार्यक्रम आयोजित करण्यात आलेला होता. खड्डे भरण्याची सुरुवात साहिल हॉटेल , संत रोहिदास मार्ग , ९० फिट रोड , येथे करण्यात आली होती . पावसामुळे धारावीतील रस्त्यांवर पडलेल्या खड्डयांकडे धारावीतील जनतेने शिवसेनेच्या ४ , काँग्रेसच्या २ , व राष्ट्रवादी कॉग्रेस चा १ असे ७ नगरसेवक , 1 काँग्रेस आमदार , १ शिवसेना खासदार निवडून दिलेला आहे.
परंतु धारावीतील मूलभूत नागरी सोयी सुविधांकडे या लोकप्रतिनिधींचे अक्षम्य दुर्लक्ष झालेले आहे . भाजपा ला जनता महत्वाची आहे. सर्व सामान्य नागरिक , आबालवृद्ध , गरोदर स्रिया , शालेय विद्यार्थी यांना जनतेला रस्त्यावर ठिकठिकाणी पडलेल्या खड्ड्यांमुळे वाहन चालवताना , चालताना रस्त्यातल्या खड्ड्यांमुळे नाहक त्रास सहन करावा लागत होता. त्यांनी मनकेदुखी , पाठदुखी असे विविध प्रकारचे आजार उदभवत आहेत . त्यामुळे भाजपच्या कार्यकर्त्यांनी आज खड्डे भरो आंदोलन केले.
भारतीय जनता पार्टीच्या खड्डे भरो आंदोलनाची प्रेरणा घेऊन मुंबई महानगर पालिकेचे संबंधित अधिकारी व स्थानिक नगरसेवक , नगरसेविका , आमदार , खासदार आदी लोकप्रतिनिधी आम्हाला खड्डे भरताना बघून तरी जागृत होऊन जनतेच्या सोयी, सुविधा आणि सुरक्षा ह्या कडे लक्ष देतील अशी अपेक्षा यावेळी भाजपाच्या कार्यकर्त्यांनी व्यक्त केली. यावेळी भाजपाच्या मुंबई सचिव दिव्या ढोले,रिजवान पटेल, नेहाल वारीस,जुबेर शेख,भरत शर्मा,संजय गुप्ता,रमेश कुलुर,हासमुखवाला,आरती भोसले,योगिता पांचाळ,सलमा शेख आदी पदाधिकारी मोठ्या संख्येने उपस्थित होते
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
