मुंबई | सकल ओबीसी समाज महाराष्ट्रच्या वतीने ओ.बी.सी. समाजाच्या आरक्षणाला विरोध करणा-या बाळासाहेब सराटे यांनी उच्च न्यायालयात दाखल केलेल्या याचिकेबाबत बाळासाहेब सराटे यांच्या विरोधात शनिवारी दादरच्या स्वामी नारायण मंदीर परिसरात आंदोलन करण्यात आले.
यावेळी राज्यातील ओबीसींना दिले गेलेले आरक्षण बेकायदेशीर असून ते त्वरित रद्द करण्यात यावे, अशी मागणी करणारी जनहित याचिका औरंगाबादचे मराठा आरक्षण अभ्यासक डॉ. बाळासाहेब सराटे यांनी मुंबई हायकोर्टात दाखल केली आहे. त्याविरोधात सराटे यांचा सकल ओबीसी समाज महाराष्ट्र राज्य या संघटनेकडून निषेध करण्यात आला.
शनिवारी दादर येथील स्वामीनारायण मंदिर परीसरात या संघटनेच्या कार्यकर्त्यांकडून हा निषेध करण्यात आला. यावेळी ओबीसी समाज महाराष्ट्र राज्यच्या अध्यक्षा कांचन नाईक यांच्या सह अनेक कार्यकर्ते याठीकाणी उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
