मुंबई | पालिका कर्मचार्यांकरिता के.ई.एम. रुग्‍णालय व ‘इंडियन सोसायटी ऑफ ऍनेस्‍थेसिओलॉजिस्‍ट’ च्‍या संयुक्‍त विद्यमाने नुकताच अतिरिक्‍त पालिका आयुक्‍त (पश्चिम उपनगरे) आय.ए.कुंदन यांच्‍या प्रमुख उपस्थि‍तीत (हृदयविकार झटका-पुनर्जीवन) या विषयावर प्रात्‍यक्षिक व वैद्यकीय माहितीचे एक दिवसीय उपक्रम पार पडला.
एखाद्या व्‍यक्तिचे हृदय जर बंद पडले तर, त्‍याच्‍या शरीराची हालचाल पूर्णपणे बंद पडते अश्‍या परिस्थितीत लोकांना आधी काय करायचे याच प्रशिक्षण ५२५ पालिका कर्मचाऱ्यांना देण्‍यात आले. यामध्‍ये बंद पडलेल्‍या हृदयावर आपत्‍कालीन सुविधा आणि उपचार उपलब्‍ध होईपर्यंत त्‍याच्‍या छातीवर दोन्‍ही हातांनी दाब (पंपिंग) करणे किती गरजेचे आहे आणि ते कशापध्‍दतीने केले पाहिजे याची माहिती इंडियन सोसायटी ऑफ ऍनेस्‍थेसिओलॉजिस्‍टच्‍या अध्‍यक्ष डॉ. दिपा काणे यांनी दिली.
तसेच संबंधित व्‍यक्‍ति‍ला किमान ५ ते ६ सेंटिमीटर खोल आणि प्रत्‍येक मिनिटाला १२० वेळा पंपिंग करणे गरजेचे असते याचे प्रशिक्षण डॉ. काणे यांनी व त्‍यांच्‍या टिमने पालिका कर्मचाऱ्यांना दिले. आरोग्‍य सुविधा उपलब्‍ध होईपर्यंत पंपिग करायचे आहे. हे सर्वांना कळले तर हृदयामुळे येणारे मृत्‍यु कमी करता येऊ शकतात.ज्‍यातून त्‍या व्‍यक्तिचा जीव वाचविता येऊ शकतो. त्‍यामुळे हे प्रशिक्षण सर्वांना देणे खूप जास्‍त गरजेचे आहे आणि त्‍यातून जनजागृती होणेही महत्‍वाचे असल्‍याचे अतिरिक्‍त आयुक्‍तांनी यावेळी सांगितली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
