Connect with us

मुंबई

पडसलगीकरांना पुन्हा मुदतवाढ नाही, मुंबईच्या नवीन सीपी पदी परमबीर की बर्वे ?

News Desk

Published

on

मुंबई । देशातील प्रतिष्ठेचे मानले जाणारे मुंबई पोलीस महासंचालक पदाची सध्या जोरदार चर्चा रंगली आहे. दत्ता पडसलगीकर यांना आणखी दोन वर्षे मुदतवाढ मिळावी. यासाठी राज्य सरकारने पाठवलेला प्रस्ताव केंद्राने फेटाळून लावला आहे. त्यामुळे पडसलगीकर २८ फेब्रुवारीलाच निवृत्त होतील. त्यामुळे मुंबई पोलीस आयुक्‍तपदासाठी परमबीर सिंग आणि संजय बर्वे हे दोघे या शर्यतीत आहेत. सध्या मुंबई पोलीस महासंचालक सुबोध जैस्वाल मुंबई पोलीस आयुक्तपदाचा कार्यभार सांभाळत आहेत.

कायदा आणि सुव्यवस्था विभागाचे अतिरिक्‍त पोलीस महासंचालक, लाचलुचपत प्रतिबंधक विभागाचे पोलीस महासंचालक संजय बर्वे, पुण्याचे पोलीस आयुक्‍त के. व्यंकटेशम आणि ठाण्याचे पोलीस आयुक्‍त विवेक फणसळकर ही चार नावे सध्या मुंबई पोलीस आयुक्‍तपदासाठी चर्चेत असून परमबीर सिंग आणि संजय बर्वे यांच्यापैकी एकाची या पदावर वर्णी लागण्याची शक्यता व्यक्त केली जात आहे.

पडसलगीकर गेल्या वर्षीच्या ३१ऑगस्टमध्ये निवृत्त होणार होते. त्यांना आणखी दोन वर्षांची मुदतवाढ मिळावी, अशी विनंती फडणवीस यांनी केंद्राला केली होती. परंतु पडसलगीकर यांना केवळ ३ महिन्यांचीच मुदतवाढ मिळाली. ती संपल्यानंतर पुन्हा मुदतवाढ मागण्यात आली त्यावेळी पडसलगीकर यांना आणखी ३ महिन्यांचा कालावधी देण्यात आला. मात्र पडसलगीकर यांना दुसर्‍यांदा मुदतवाढ देण्यात आल्यानंतर मुंबई उच्च न्यायालयात याविरोधात जनहित याचिका दाखल करण्यात आली.

मुख्यमंत्री पडसलगीकर यांची बाजू घेतात, असा आरोप या याचिकेत करण्यात आला होता. ही याचिका फेटाळण्यात आली खरी पण केंद्र पडसलगीकरांच्या आणखी मुदतवाढीसाठी तयार आहे का, अशी विचारणा उच्च न्यायालयाने केली होती. त्यानंतर पडसलगीकरांना आणखी मुदतवाढ मिळणार नाही, असे राज्य सरकारला बुधवारी (६ फेब्रुवारी) कळवण्यात आले. त्यानंतर पोलीस महासंचालक पदासाठी सरकारने नावे कळवली आहेत. सुबोध जैस्वाल २०२२ मध्ये निवृत्त होतील. ते पोलीस दलात सध्या सर्वात वरिष्ठ दर्जाचे अधिकारी आहेत. त्यामुळे त्यांची वर्णी या पदावर लागू शकते.

परमबीर सिंग आणि संजय बर्वे गेल्यावेळीदेखील मुंबई पोलीस आयुक्‍त पदाच्या शर्यतीत होते.  त्यावेळी सुबोध जैस्वाल यांची नियुक्‍ती झाली होती. परमबीर सिंग १९८८च्या बॅचचे आयपीएस अधिकारी आहेत. यापूर्वी ते ठाण्याच्या पोलीस आयुक्‍तपदी कार्यरत होते. तर संजय बर्वे राज्य सुरक्षा महामंडळाचे व्यवस्थापकीय संचालकपद सांभाळत होते. त्यानंतर त्यांना लाचलुचपत प्रतिबंधक विभागाच्या महासंचालकपदी आणण्यात आले होते.

मुंबई

#PulwamaAttack : नालासोपाऱ्यातील ‘रेल रोको आंदोलन’ अखेर मागे

News Desk

Published

on

मुंबई | जम्मू-काश्मीरमधील पुलवामा जिल्ह्यातील अवंतीपोरा भागात सीआरपीएफच्या ताफ्यावर दशतवाद्यांनी गुरुवारी (१४ फेब्रुवारी) झालेल्या हल्ल्यात ४० जवान शहीद झाले आहे. नालासोपाऱ्यात सकाळी ८ वाजल्पासून ते दुपारी १२ वाजेपर्यंत रेल रोको आंदोलन सुरू होते. पोलिसांनी अखेर बळचा वापर करून रेल रोको आंदोलन मागे घेतले. हे रेल रोको आंदोलन जवळपास ४ तासानंतर मागे घेण्यात आले. त्यामुळे चार तासांनतर नालासोपाऱ्याहून विरारकडे जाणारी लोकल वाहतूक सुरळीत सुरू झाल्या आहेत.

ऐन गर्दीच्या वेळी रेल रोको आंदोलन केल्यामुळे प्रवाशांचे हाल झाले होते. नालासोपाऱ्यात नागरिकांनी रेल रोकोला उत्स्फुर्त प्रतिसाद दिला. नागरिकांनी रेल्वे ट्रॅकवर उतरून पाकिस्तानविरोधात जोरदार घोषणाबाजी केली. नालासोपारा रेल रोको आंदोलन जरी मागे घेतले असले तरी परिसरातील दुकाने, रिक्षा, वसई विरार पालिकेची बस सेवा, एसटी सेवाही बंद ठेवण्यात आल्या आहेत. रेल्वे ट्रॅकवर नागरिकांची मोठी गर्दी जमा झाली होती. या रेल रोको आंदोलनांमुळे लांब पल्ल्याच्या रेल्वे गाड्याेच वेळापत्रक विस्कळीत झाले होते. काही रेल्वे गाड्या नालासोपारा स्टेशन परिसरातच थांबल्या आहेत.

म्मू काश्मीरमधील पुलवामा येथे १४ फेब्रुवारी २०१९ रोजी झालेल्या दहशतवादी हल्ल्यात ४० जवान शहीद झाले. जम्मूहून श्रीनगरला जाणाऱ्या केंद्रीय राखीव पोलीस दलाच्या (सीआरपीएफ) ताफ्यावर हा भ्याड हल्ला करण्यात आला.  देशात जवानांवर झालेला हा आतापर्यंतचा सर्वांत मोठा हल्ला आहे

Continue Reading

मुंबई

#PulwamaAttack : नालासोपारामध्ये पुलवामा हल्ल्याच्या निषेधार्थ रेल रोको आंदोलन

News Desk

Published

on

मुंबई | जम्मू-काश्मीरमधील पुलवामा जिल्ह्यातील अवंतीपोरा भागात सीआरपीएफच्या ताफ्यावर दशतवाद्यांनी गुरुवारी (१४ फेब्रुवारी) झालेल्या हल्ल्यात ४० जवान शहीद झाले असून ५ जवान जखमी झाले आहेत. पुलवामा येथे झालेल्या भ्याड हल्ल्याच्या निषेधार्थ नालासोपारा येथे रेल रोको आंदोलन सुरू आहे. या रेले रोकोमुळे पश्चिम रेल्वेची वाहतूक विस्कळीत जाली आहे. या रेलरोकोमुळे नालासोपारा ते विरार या मार्गावरील वाहतूक ठप्प झाली आहे.

 

या हल्ल्याचा निषेध करण्यासाठी लोक रेल्वे ट्रॅकवर उतरले आहेत. त्यामुळे वसई ते विरार दरम्यान रेल्वेचा खोळंबा झाला असून पश्चिम रेल्वे विस्कळीत झाली आहे. ऐन कामाच्या वेळेला रेले रोकोमुळे प्रवाशांचे हाल होत असल्याचे कळत आहे.

जम्मू काश्मीरमधील पुलवामा येथे १४ फेब्रुवारी २०१९ रोजी झालेल्या आत्मघाती दहशतवादी हल्ल्यात ४० जवान शहीद झाले. जम्मूहून श्रीनगरला जाणाऱ्या केंद्रीय राखीव पोलीस दलाच्या (सीआरपीएफ) ताफ्यावर हा भ्याड हल्ला करण्यात आला.  देशात जवानांवर झालेला हा आतापर्यंतचा सर्वांत मोठा हल्ला आहे. सीआरपीएफच्या ताफ्यात एकूण ७८ वाहने होती. जैश-ए-मोहम्मदचा दहशतवादी आदिल अहमद दार उर्फ वक्कास याने लाटूमोड येथे ताफ्यावर ३५०  स्फोटकांनी भरलेली कार धडकवून हा आत्मघातकी हल्ला घडवला.

Continue Reading
February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या