मुंबई | मुंबईच्या भायखळा येथील वीरमाता जिजाबाई भोसले उद्यान व प्राणिसंग्रहालयात ‘वारा’ या सामाजिक संस्थेतर्फे महिला कर्मचाऱ्यांना सॅनेटरी नॅपकीनचे मोफत वितरण संस्थेच्या संचालिका वृषाली आबासाहेब पाटील यांच्या हस्ते करण्यात आले. महिलांच्‍या मासिक पाळीतील शारिरीक स्‍वच्‍छतेसाठी सॅनेटरी नॅपकीन उपयुक्‍त असून सफाई कर्मचारी महिलांनी याचा वापर करुन आपले आरोग्‍य जपावे, असे वृषाली आबासाहेब पाटील यांनी यावेळी सांगितले. यावेळी आरोग्याच्या दृष्टीने महत्वाच्या अशा विषयांवर त्यांनी महिलांना मार्गदर्शन केले.
वृषाली पाटील यावेळी बोलताना पुढे म्हणाल्या, महिलांच्‍या सशक्‍तीकरणामध्‍ये आपला खारीचा वाटा असावा या उद्देशातूनच या कार्यक्रमाचे आयोजन करण्यात आल्‍याचे त्यांनी सांगितले. तसेच काही उच्‍च शिक्षण प्राप्‍त केलेल्‍या ब-याच मुली आज मोठमोठया कंपन्‍यांमध्‍ये उच्‍च पदावर काम करित आहे. स्‍वतःच्‍या पायावर उभे झालेल्‍या या मुली आईवडीलांवर विसंबून न राहता चांगल्या पगाराची नोकरी करत असून या कमाईतील काही वाटा समाजातील गोरगरीब महिलांसाठी या मुलींनी सत्‍कारणी लावावा हा उद्देश नियोजित संस्‍था स्‍थापन करण्‍यामागे असल्‍याचे वृषाली पाटील यावेळी म्हणाल्या.
स्‍त्री शक्‍तीच्‍या सशक्‍तीकरणातूनच तसेच तिच्‍या संकल्‍पनेतूनच या कार्यक्रमाचे आयोजन करण्यात आले असल्‍याचे त्यांनी सांगितले. तसेच महिलांनी याठिकाणी मोठया संख्‍येने उपस्थिती दर्शविल्‍याबद्दल त्यांनी महिलांचे आभार मानले. या संस्थेतर्फे वृषाली पाटील यांनी वीरमाता जिजाबाई उद्यानाची दैनंदिनपणे साफसफाई करणाऱ्या ५० ते ६० महिलांना मोफत सॅनेटरी नॅपकीनचे वितरण केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
