- मुख्यमंत्र्यांच्या दारात आत्महत्येची पाळी का येते?
दरम्यान, काँग्रेस पक्षाचे नेते आणि माजी मुख्यमंत्री पृथ्वीराज चव्हाण यांनी या प्रकरणी भाष्य केले आहे. मुख्यमंत्र्यांच्या दारात येऊन शेतकऱ्यांना आत्महत्या करण्याची पाळी का येते, याचा विचार व्हायला हवा, अशी प्रतिक्रिया चव्हाण यांनी व्यक्त केली आहे. दरम्यान या प्रश्नावर सर्व विरोधी पक्षांशी चर्चा करून यावर काय भूमिका घ्यायची याबाबत लवकरच निर्णय घेण्यात येईल असेही चव्हाण म्हणाले.
- सरकारच्या उदासिनतेमुळे आत्महत्यांचा प्रयत्न
सरकारच्या उदासिनतेमुळेच शेतकऱ्यांचा आणि तरुणांचा मंत्रालयात येऊन आत्महत्या करण्याचा प्रयत्न सुरू आहे, असा गंभीर आरोप राष्ट्रवादी काँग्रेस पक्षाचे नेते नवाब मलिक यांनी केला आहे.
या घटनेचे वृत्त कळताच विधानसभेचे विरोधी पक्षनेते राधाकृष्ण विखे पाटील, माजी उपमुख्यमंत्री अजित पवार, विधानपरिषदेतील विरोधी पक्षनेते धनंजय मुंडे आणि राष्ट्रवादी काँग्रेसचे ज्येष्ठ नेते जयंत पाटील मंत्रालयात पोहोचले.
धर्मा पाटील प्रकरणानंतर मंत्रालयात आत्महत्येचा प्रयत्न करण्याची अलिकडची ही तिसरी घटना आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
