मुंबई | मुंबईतील भाभा अणुऊर्जा संशोधन केंद्रातील शास्त्रज्ञ भास्कर दत्त यांचा बेपत्ता मुलगा नमन दत्त याचा मृतदेह वाशी खाडीत सापडला आहे. नमन २३ सप्टेंबरच्या मध्यरात्रीपासून बेपत्ता झाला होता. या प्रकरणी वाशी पोलीस ठाण्यात तक्रार देखील दाखल करण्यात आली होती. नमन हा काही दिवसांपासून नैराश्यात होता. त्याच्यावर नैराश्यातून बाहेर येण्यासाठी वैद्यकीय उपचार देखील सुरु होते. त्यांच्या घरातील एका व्यक्तीच्या निधनामुळे त्याला जबरदस्त धक्का बसला होता.
नवी मुंबईतील सेक्टर १७ मधील अर्चना ज्योती सोसायटीत वैज्ञानिक भास्कर दत्त आणि पत्नी मानसोपचार चंद्रा रामामुर्थी आणि त्याचा मुलगा नमन हे राहत होते. नमन दत्त हा केवळ १७ वर्षांचा होता. घारापुरी बेटावर एलिफंटा गुहांजवळ नमनचा मृतदेह सापडल्याने या प्रकरणाला वेगळे वळण लागले आहे. मृतदेहाची अवस्था अत्यंत वाईट झाली होती त्यामुळे पोलिसांनी घटनास्थळीच त्याच्या मृतदेहाचे शवविच्छेदन करण्यात आले आहे .
नमन दत्तचे वडील भास्कर दत्त हे २३ सप्टेंबरच्या मध्यरात्री पाणी प्यायला उठले असता त्यांना नमन आपल्या खोलीत नसल्याचे आढळले होते. नमनने त्याला आलेल्या नैराश्यातूनच घर सोडून वाशी खाडीत उडी मारून आत्महत्या केली असावी, असा प्राथमिक अंदाज वर्तविला जात आहे. पण ही आत्महत्या आहे कि हत्या असा प्रश्न याबद्दल अद्याप शंका व्यक्त करण्यात येत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
