लखनौ | मेरठमध्ये १९८७ साली हाशिमपुरा येथे झालेल्या नरसंहाराप्रकरणी दिल्ली उच्च न्यायालयाने तीस हजारी न्यायालयाचा निर्णयाविरुद्ध १६ पीएसी जवानांना आजन्म कारावासाची शिक्षा सुनाविण्यात आली आहे. ३१ वर्षांपूर्वी २२ मे १९८७ साली मेरठमधील हाशिमपुरामध्ये ४२ लोकांची हत्या करण्यात आली होती. परंतु त्यावेळी आरोपी पीएसी जवानांविरोधात सबळ पुरावे नसल्याचे कारण देऊन तीस हजारी न्यायालयाने त्यांची निर्दोष मुक्तता केली होती.

राष्ट्रीय मानवाधिकार आयोग आणि इतर पीडितांनी तीस हजारी न्यायालयाच्या या निर्णयाला दिल्ली उच्च न्यायालयामध्ये आव्हान दिले होते. दिल्ली उच्च न्यायालयाने ६ सप्टेंबर रोजी सुनावणी पूर्ण करून या प्रकरणाचा निर्णय राखून ठेवण्यात आला होता. आज दिल्ली उच्च न्यायालयाने १६ आरोपी पीएसी जवानांना दोषी ठरवीत आजन्म कारावासाची शिक्षा सुनावली आहे. या एकूण १६ आरोपींपैकी २ आरोपींचा मृत्यू झाला आहे.