मुंबई | वर्षभर अविरतपणे आपले काम करणा-या मुंबईच्या डबेवाल्यांनी मंगळवारी आपली सेवा बंद ठेवली आहे. मंगळवारी सकाळी पावणे आठच्या सुमारास अंधेरी रेल्वे स्थानकादरम्यान असलेल्या गोखले पुलाचा अचानक काही भाग कोसळल्यामुळे पश्चिम रेल्वेची सेवा खंडीत झाली. त्यामुळे उपनगरातून शहरात येणारे अनेक डबेवाले जागो जागी रेल्वे स्थानकात अडकून पडले. लोकलच्या विस्कळीत झालेल्या वाहतूकीमुळे वेळेत डबे पोहचविणे शक्य नसल्यामुळे मंगळवारी मुंबईच्या डबेवाल्यांनी आपली सेवा बंद ठेवल्याचे मुंबई डबेवाला असोसिएशन कडून जाहीर करण्यात आले.
डबेवाला असोसिएशनचे प्रवक्ते सुभाष तळेकर एच डब्लू मराठी शी बोलताना म्हणाले, अनेक डबेवाले अंधेरी ते विरार येथे अडकल्यामुळे डबेवाल्यांची सप्लायचैन खंडीत झाली आहे. त्यामुळे आज डबेवाल्यांची सेवा बंद रहाणार आहे. तसेच घरातून डबे घेऊ नयेत व घेतले असल्यास परत द्यावेत अशा सुचना डबेवाल्यांना देण्यात आल्या आहेत असेही ते यावेळी बेलताना म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
