मुंबई | शिवसेना पक्षप्रमुख उद्धव ठाकरे उत्तर भारतीयांच्या मागे खंबीरपणे पणे उभे आहेत असे वक्तव्य शिवसेना नेते आणि ठाणे जिल्ह्याचे पालक मंत्री एकनाथ शिंदे यांनी केले आहे. कांदिवली (पूर्व) ठाकूर व्हिलेज येथे आयोजित करण्यात आलेल्या ‘उत्तर भारतीय सम्मान’ संमेलनात ते बोलत होते. आमदार प्रकाश सुर्वे यांनी या संमेलनाचे आयोजन केले होते. या संमेलनाला राज्याचे उद्योग मंत्री सुभाष देसाई, एकनाथ शिंदे, उत्तर भारतीय महासंघाचे अध्यक्ष हेमंत पांडे, प्रभाग समिती अध्यक्ष शितल म्हात्रे आदि मान्यवर उपस्थित राहिले होते. येत्या निवडणुकीच्या पार्श्वभूमीवर शिवसेना उत्तर भारतीय मतदारांना साद घालताना पहायला मिळत आहे.
कार्यक्रमात बोलताना एकनाथ शिंदे म्हणाले, मुंबईत जेंव्हा उत्तर भारतीयांना मारपीठ झाली त्यावेळी, आमदार प्रकाश सुर्वे यांनी उत्तर भारतीयांच्या समर्थनार्थ रॅली काढली होती. शिवसेना पक्ष सदैव उत्तर भारतीयांच्या पाठीशी उभा आहे. तसेच पक्षप्रमुख उद्धव ठाकरे उत्तर भारतीयांच्या मागे खंबीरपणे पणे उभे असून अनेक उत्तर भारतीयांना शिवसेनेत महत्वाची पद देण्यात आल्याची आठवण सुद्धा शिंदे यांनी उपस्थित जनसमुदायाला यावेळी करून दिली.‘उत्तर भारतीय सम्मान’ संमेलनाला विशेष भोजपुरी रंगा रंग कार्यक्रमाचे आयोजन करण्यात आले होते. या प्रसंगी भोजपुरी सुपरस्टार खेसारीलाल यादव आणि प्रसिद्ध अभिनेत्री रितू सिंह यांची विशेष उपस्थिती होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
