मुंबई – समाजात किन्नर असल्याचे सांगत सामान्य माणसाला फसवणाऱ्या व खऱ्या किन्नरांना मारहाण करून त्यांची लुबाडणूक करणाऱ्या गोरेगाव येथील बनावट किन्नरांना अटक करून त्यांच्यावर कारवाई करण्यात यावी अशी मागणी किन्नर माय ट्रस्टच्या वतीने मुंबई प्रेस क्लबमध्ये आयोजित पत्रकार परिषदेत करण्यात आली.
किन्नर माय ट्रस्टच्या अध्यक्षा सलमा खान यांना देखील धमकी देऊन 5 लाखाची खंडणी मागितल्याचा आरोप किन्नर माय ट्रस्टच्या सदस्यांनी केला आहे.
समाजात किन्नर दुर्लक्षित असून असे प्रकार घडल्यास त्यांची घृणा केली जाईल. असली व नकली किन्नर कोण याबाबत सामान्य जनतेमध्ये जनजागृती व्हावी व किन्नर समाजाला बदनामीपासून रोखण्यासाठी पत्रकार परिषदे घेतल्याचे या संस्थेच्या सदस्या प्रिया पाटील यांनी म्हटले.
या बनावट किन्नरविरोधात मुंबईतील अनेक पोलीस ठाण्यात गुन्हे दाखल आहेत. त्यांच्यामुळे आम्हाला सामाजिक कार्य करताना अडचणीला सामोरे जावे लागते. त्यामुळे मुंबई पोलिसांनी त्यांच्यावर योग्य ती कारवाई करून अटक करावी अशी आमची मागणी असल्याचे पाटील यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
