मुंबई – मुंबईला पुन्हा एकदा दहशतवादी हल्ल्याचा धोका असल्याची शक्यता कोस्टगार्डनं वर्तवलीय. त्यामुळं कोस्टगार्डने मुंबई पोलिसांसह सर्व सुरक्षा यंत्रणांना अलर्ट जारी केले आहे. त्यानुसार, ISIS चे तीन संशयित दहशतवादी मुंबईमार्गे भारतात घुसखोरी करण्याच्या प्रयत्नात आहे. सर्व सुरक्षा यंत्रणांना सतर्कतेचे आदेश देण्यात आले आहेत.
भारतीय कोस्टगार्डने मुंबई पोलिसांसह सर्व सुरक्षा यंत्रणांना सतर्कतेचे आदेश दिले आहेत. त्यात म्हटले आहे, की आयएसआयएसचे तीन संशयित दहशतवादी 26/11 प्रमाणेच मुंबईवर हल्ला करण्याची शक्यता आहे. ते समुद्रमार्गे घुसखोरी करु शकतात. कोस्टगार्डच्या एका अधिकाऱ्याने सांगितले, ‘आम्ही बऱ्याच दिवसांपासून समुद्रातील संशयास्पद हलचालींवर लक्ष ठेवून आहोत. यादरम्यान, समुद्रात थुराया सॅटेलाइट फोनद्वारे गप्पांचे काही अंश मिळाले.’
मंगळवारी मिळालेल्या माहितीनंतर संशयित दहशतवाद्यांचे नाव आणि त्यांच्या संबंधिची इतर माहिती यंत्रणांना देण्यात आली आहे. पोलिसांनी दिलेल्या माहितीनुसरा, कोस्टगार्डने फॅक्सद्वारे माहिती दिली आणि सतर्क राहण्याच्या सूचना दिल्या आहेत. त्यानुसार पोलिस तपास करत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
