मुंबई | वयाच्या ९३व्या वर्षी माजी पंतप्रधान अटल बिहारी वाजपेयी यांचे निधन झाले. वाजपेयी यांनी गुरुवारी सायंकाळी एम्स रुग्णालयात अखेरचा श्वास घेतला. वाजपेयी यांच्यावर शुक्रवारी (आज) दिल्लीच्या राजघाटावरील राष्ट्रीय स्मृती येथे सायंकाळी ४ वाजता अंत्यसंस्कार होणार आहेत. किडनी संसर्गामुळे वाजपेयी यांना ११ जून रोजी रुग्णालयात दाखल करण्यात आले होते. वाजपेयी यांच्या पार्थिव शुक्रवारी (आज) सकाळी दीनद्याळ उपाध्याय मार्गावरील भाजप कार्यालयात ठेवण्यात आले आहे.
भारतीय क्रिकेट टीमचे माजी कर्णधार अजित वाडेकर यांच्यावर शुक्रवारी (आज) दुपारी १२ वाजता शिवाजी पार्क स्मशानभूमीमध्ये अंत्यसंस्कार होणार आहे. मुंबईतील जसलोक रुग्णालयामध्ये मध्य रात्री अजित वाडेकर यांचे वयाच्या ७७ व्या वर्षी निधन झाले. वाडेकर यांच्या जाण्याने क्रिकेट विश्वातील मोठा तारा निखळल्याची भावना व्यक्त केली. परदेशी भूमीवर भारताला विजयाची सवय लावून देणारा कर्णधार अशी वाडेकर यांची वेगळी ओळख होती.
अटल बिहारी वाजपेयी सारख्या एक युगाचा अंत तर भारतीय क्रिकेट टीमला परदेशी भूमीवर सुद्धा विजय मिळवून देणाऱ्याअजित वाडेकर या दोन्ही दिग्गजांचे निधन झाले आहे. या दोघांच्या जाण्याने संपुर्ण देशात हळहळ व्यक्त केली जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
