मुंबई | “एखाद्या आनंदी राष्ट्रासाठी प्रत्येकाची भूमिका निर्णायक आहे. त्यासाठी प्रत्येक गोष्टीचे विकेंद्रीकरण, शाश्वत विकासाचा आग्रह, लोकांच्या सक्षमीकरणाचे कायदे आणि नागरिक घडविण्याची प्रक्रिया या बाबी अत्यंत आवश्यक आहे”, असे सामाजिक कार्यकर्ते डॉ. विश्वंभर चौधरी यांनी म्हटले आहे. “महासत्ता हे केवळ मृगजळ असल्याचे सांगत आपल्याला विकासाचे प्राधान्य ठरवून आनंदी राष्ट्राकडे जाता येईल. मात्र, त्यासाठी वास्तवाचे भान ठेवले पाहिजे”, असेही स्पष्ट मत चौधरी यांनी व्यक्त केले आहे.
विद्यार्थी उत्कर्ष मंडळाच्या विवेकानंद व्याख्यानमालेत ते ‘भारत: महासत्ता की आनंदी राष्ट्र ?’ या विषयावर बोलत होते. स्वातंत्र्य, समता व न्यायाचे व्हिजन पूर्ण करण्याची गरज असल्याचे नमूद करत आरक्षणाने काहीही साध्य होणार नाही, असेही डॉ. विश्वंभर चौधरी यांनी सांगितले आहे. पाणी, वीज ,रस्ते, आरोग्य, शिक्षण या मुलभूत मुद्यावरही त्यांनी भाष्य केले आहे. त्याचप्रमाणे शिक्षणामध्ये मूलगामी बदल करण्याची आवश्यकता असल्याचे मत देखील चौधरी यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
