काश्मीर | भारतीय सैन्याच्या जवानांनी पुलवामामधील जैश ए मोहम्मदच्या दोन दहशतवाद्यांना कंठस्नान घातले आहे. यात पाकिस्तानच्या एका स्नायपरचाही देखील समावेश आहे. उस्मान हैदर असे या स्नायपरचे नाव आहे. काल (मंगळवार) त्रालमधल्या झालेल्या चकमकीत या दहशतवाद्यांना कंठस्नान घालण्यात भारतीय जवानांना यश आले आहे.
उस्मान हैदर हा स्नायपर दहशतवादी मसूद अझरचा भाचा असल्याची माहिती देखील समोर येत आहे.गुप्तचर यंत्रणेने भारतीय सैन्याला दिलेल्या माहितीच्या आधारे ही संपूर्ण शोध मोहीम राबविण्यात आली होती. भारतीय जवानांनी दहशतवाद्यांना चारही बाजूनी घेतल्यानंतर ते ज्या घरातून गोळीबार करत होते ते घरच भारतीय सैन्याने उध्वस्त केले आहे.
काश्मीरमध्ये पाकिस्तानचे ४ प्रशिक्षित दहशतवादी सक्रिय असल्याची माहिती समोर आली होती. सप्टेंबरमध्ये जैश-ए-मोहम्मद या दहशतवादी संघटनेचे दहशतवादी दोन गटांमध्ये काश्मीरमध्ये आले होते. या गटांमध्ये एकूण ४ प्रशिक्षित दहशतवादी आहेत, अशी माहिती गुप्तचर यंत्रणांनी सुरक्षा दलांना देण्यात आली होती. आयएसआयने या दहशतवाद्यांना प्रशिक्षण दिल्याचे देखील म्हटले जात होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
