नवी दिल्ली | भारतीय बँकांना तब्बल ९ हजार कोटींचा चुना लावून परदेशात फरार झालेल्या मद्यसम्राट विजय माल्ल्याला लवकरच परदेशातही बेघर होण्याची वेळ आली आहे. विजय माल्ल्याचा लंडनमधील रेजेंट पार्क येथील बंगला जप्त करण्यासाठी स्विस बँक यूबीएस एजीने उच्च न्यायालयात खटला दाखल केला आहे. परदेशातही कर्जाची परतफेड न केल्याने विजय माल्ल्यासह सिद्धार्थ माल्ल्यावरही हा खटला दाखल करण्यात आला आहे.
विजय माल्ल्याने मार्च २०१२ मध्ये आपला हा अलिशान बंगला ‘रोज कॅपिटल वेंचर्स लिमिटेड’साठी तारण ठेऊन बँकेकडून २.०४ कोटी पाउंड म्हणजेच १९५ कोटी कर्ज घेतले होते. माल्ल्याने दिलेल्या मुदतीत कर्जाची परतफेड न केल्याने विजय मल्ल्याच्या कुटुंबियांना बंगला रिकामी करण्यास सांगितले होते. मात्र तरीही त्यांनी बंगला रिकामी करण्यास नकार दिला आहे, असे यूबीएसने म्हटले आहे.
विजय माल्ल्याला फरार घोषित करण्यासाठी ईडीने ‘फरार आर्थिक गुन्हेगार कायद्यातर्गंत’ अर्ज केला होता. त्यावेळी मल्ल्याने फरार घोषित करण्यासाठी ईडीने केलेल्या याचिकेला विरोध दर्शविला होता. भारतात प्रत्यार्पणाच्या प्रक्रियेसाठी मी ब्रिटनमधील प्रशासनाला व्यवस्थित सहकार्य करत असल्याचे माल्ल्याने म्हटले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
