नवी दिल्ली । मुलांच्या लग्नाचे वय २१ वरून १८ वर्षे करावे अशी याचिका सर्वोच्च न्यायालयाकडे केली होती. परंतु या याचिकेमागे कोणताही योग्य हेतू नसल्यामुळे सर्वोच्च न्यायालयाने ही याचिका फेटाळली आहे. १८ वर्षाच्या मुलांना मतदानाचा अधिकार आहे, लष्करात भरती होण्याचा अधिकार आहे, तर २१ वर्षापर्यंत लग्नासाठी थांबण्यात काहीच मुद्दा नाही, अशी याचिका कोर्टात दाखल करण्यात आली होती.
ही याचिका दाखल करणाऱ्याला न्यायालयाकडून २५ हजार रुपयांचा दंड आकारण्यात आला आहे. सर न्यायधीश रंजन गोगोई, जस्टीस एस.के.कौल व जस्टीस एम. जोसेफ यांच्या खंडपीठाने ही याचिका फेटाळली आहे. ५० वर्षे वय असलेल्या याचिकाकर्त्याने लग्नाचे वय १८ करण्याची मागणी करू नये, असे मत कोर्टाने नोंदवले आहे. तसेच १८वर्षाचा मुलगा स्वतःहून येईल, तेव्हा या मागणीचा विचार करू असे ही कोर्टाने सांगितले. वकील अशोक पांडे यांच्याकडून ही याचिका दाखल करण्यात आली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
