मुंबई | मुंबईच्या छत्रपती शिवाजी महाराज आंतरराष्ट्रीय विमानतळाने आपला स्वतः चाच आधीचा विक्रम मोडीत काढत शनिवारी (८ डिसेंबर) २४ तासांमध्ये तब्बल १००७ विमान उड्डाणाचा नवीन विक्रम रचला आहे. मुंबई विमानतळाने या आधी ५ जून २०१८ रोजी २४ तासांमध्ये १००३ विमान उड्डाणांचा विक्रम केला होता. मुंबई विमानतळ हे जगातील सर्वात व्यस्त विमानतळांपैकी एक असून याला दोन धावपट्ट्या आहेत. मात्र, या दोन्ही धावपट्ट्या एकमेकांना छेदत असल्यामुळे एकावेळी एकच विमान उड्डाण करू शकते.
विशेष म्हणजे, भारतातील सर्वात श्रीमंत उद्योगपती मुकेश अंबानी यांची कन्या इशा अंबानी हिच्या राजस्थानमधील उदयपूरमधील प्री-वेडींग सोहळ्याचा या विक्रमास मोठा हातभार लागल्याचे म्हटले जात आहे. ईशा अंबानीच्या प्री-वेडिंग सोहळ्याला हजेरी लावण्यासाठी अनेक बॉलिवूड कलाकारांसह राजकीय नेते आपल्या खाजगी जेट्समधून रवाना झाले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
