देहरादून: तुफान पावसामुळे उत्तराखंडमध्ये प्रचंड अर्थिक नुकसान झाले आहे. देहरादून च्या चमोली भागात ढगफुटी झाल्यामुळे अनेक दुकानांचे तसेच घरांचेही नुकसान झाले. अचानक झालेल्या तुफान पावसामुळे नागरिकांमध्ये सध्या भितीचे वातावरण आहे. पावसामुळे कर्णप्रयाग – ग्वालदम महामार्ग काही काळ बंद ठेवण्यात आला होता.
अचानक झालेल्या या पावसाने उत्तर भारतात हाहाकार उडाल्याचे पहायला मिळत आहे. गेल्या 24 तासात पंजाब, दिल्ली, उत्तर प्रदेश, उत्तराखंड आणि राजस्थानमध्ये जोरदार पाऊस झाला असूनपंजाबमधील अमृतसर आणि राजस्थानमधील अलवरमध्ये पावसाने मोठे नुकसान झालं आहे.
या पावसामुळे अनेक ठिकाणी शेतीचे नुकसान झाले आहे. अमृतसर येथे काढणी झालेल्या पिकांसह धान्य देखील भिजले आहे. त्यामुळे शेतक-यांच्या हातातोंडाशी आलेला घास निसर्गाने हिरावला आहे. वादळी वा-यासह राजस्थानच्या अलवरमध्ये झालेल्या पावसात तिघांचा मृत्यू झाला आहे. तसेच पावसामुळे वीजपुरवठा खंडीत झाला असून काही ठिकाणी झाडे उन्मळून रस्त्यावर पडल्यामुळे वाहतूकीला अडथळा निर्माण होत असल्याचे वृत्त आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
