हिसार | सतलोक आश्रमातील दोन हत्या प्रकरणात स्वयंघोषित अध्यात्मिक संत रामपाल यांना न्यायालयाकडून दोषी ठरविण्यात आले आहे. त्यांच्यासह २९ जणांनादेखील न्यायालयाने दोषी ठरविले आहे. येत्या १६ आणि १७ ऑक्टोबर रोजी यांना शिक्षा सुनावण्यात येणार आहे. तसेच रामपालवर असलेल्या देशद्रोहाच्या आरोपावर १९ डिसेंबरला सुनावणी होणार आहे. न्यायालयात सुनावणी सुरू असताना तीन किलोमीटर परिसरात पोलीस बंदोबस्त ठेवण्यात आला होता.
२०१४ साली रामपालच्या सतलोक आश्रमात संस्थायास्पदरित्या एका महिलेचा मृतदेह आढळून आला होता.ती महिला रामपालची भक्त होती. त्याचप्रमाणे २०१४ सालीचा रामपालचे भक्त आणि पोलीस यांच्यात मोठी वादावादी आणि धक्काबुक्की झाली होती. यावेळी हिंसाचारही मोठ्या प्रमाणात वाढला होता. या प्रकरणाच्या निकालादरम्यानही अशाप्रकारच्या हिंसाचाराच्या घटना घडू नयेत म्हणून कलम १४४ लागू करून जमावबंदीचा आदेश देण्यात आला होता. तसेच जिल्ह्याच्या सीमांवर देखील कडक बंदोबस्त ठेवण्यात आला होता.
त्याचप्रमाणे रामपाल याच्या समर्थकांकडून गोंधळ होण्याची शक्यता असल्याने या प्रकरणी निकाल देण्यासाठी हिसार येथील मध्यवर्ती कारागृहातच न्यायालयीन सुनावणी घेण्यात आली होती. अतिरिक्त जिल्हा आणि सत्र न्यायाधीश डी. आर. चालिया यांच्यासमोर तुरुंगातच रामपाल व्हिडिओ कॉन्फ्रेसिंगद्वारे ही प्रक्रिया पार पडली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
