नवी दिल्ली | सुप्रीम कोर्टाने पुन्हा एकदा पद्मावत सिनेमाला हिरवा कंदिल दाखवला आहे. राजस्थान आणि मध्य प्रदेश या दोन्ही राज्यांनी सिनेमा विरोधात सुप्रीम कोर्टामध्ये याचिका दाखल केली होती. परंतु, कोर्टाने पुन्हा एकदा निर्मात्यांच्या बाजूने निर्णय दिल्यामुळे सिनेमाचा मार्ग मोकळा झाला आहे.
या सिनेमाला याआधी देखील कोर्टाने देशातील सर्व राज्यात रिलीज करण्याचे आदेश दिले असून ही पद्मावत सिनेमाला विरोध केला होता. ‘या सिनेमात राणी पद्मावतीचा अपमान करण्यात आला आहे म्हणून या सिनेमावर बंदी घाण्यात यावी अशी मागणी करणी सेना आणि राजपूत संघटनांनी कोर्टात केली होती.’ पण, ‘सेन्सॉर बोर्डाने सिनेमाला प्रमाणपत्र दिले असून या सिनेमावर कोणी ही बंदी घालू शकत नाही.’ अशा शब्दात सुप्रीम कोर्टाने या संघटनांची याचिका फेटाळली.
दिग्दर्शक संजय लीला भन्साळी यांना सुप्रीम कोर्टाच्या या निर्णयाने दिलासा मिळाला आहे. यापूर्वी राजस्थान, हरियाणा, गुजरात आणि मध्य प्रदेश या चार राज्यात सिनेमावर बंदी आणली होती. त्यामुळे निर्मात्यांनी सुप्रीम कोर्टात धाव घेतली होती. पद्मावत हा सिनेमा येत्या २५ जानेवारी रोजी रिलीज होणार असून या सिनेमाबद्दल प्रेक्षकांमध्ये प्रचंड उत्सुकता दिसून येत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
