लखनऊ | उत्तर प्रदेशातील बुलंदशहर हिंसाचारादरम्यान पोलीस निरीक्षक सुबोध कुमार सिंह यांची हत्या झाली होती. या प्रकरणी जवान जितेंद्र मलिकला काश्मीरमधून अटक करण्यात आली आहे. जितेंद्र मलिकने पोलीस निरीक्षक सुबोध कुमार सिंह यांचीच खाली पडलेली पिस्तूल घेऊन त्यांच्यावरच गोळी झाडली, असा संशय व्यक्त करण्यात येत आहे. सैन्याने शनिवारी (८ डिसेंबर) जितेंद्रला विशेष कार्य दलाच्या (एसटीएफ) ताब्यात दिले असून सध्या त्याची कसून चौकशी सुरु आहे.
Bulandshahr: Army jawan Jitendra Malik has been brought to Syana police station for further questioning. He has been named in the FIR filed in #Bulandshahr case. pic.twitter.com/Dp2PBCdiCL
— ANI UP/Uttarakhand (@ANINewsUP) December 9, 2018
जितेंद्रला आज (९ डिसेंबर) न्यायालयात हजर केले जाईल. जितेंद्र हा जम्मूतील सोपोरामध्ये २२ राष्ट्रीय रायफल दलात कार्यरत असून तो १५ दिवसांच्या सुट्टीवर आपल्या गावी आला होता. दरम्यान, जितेंद्र हा या दिवशी आरोपी योगेश राज याच्यासोबत उभा राहून घोषणा देत होता, हे सीसीटीव्हीच्या फुटेजमध्ये स्पष्ट दिसत आहे. परंतु, त्याच्या पत्नीने जितेंद्र त्या दिवशी बाहेरगावी खरेदीला गेला होता, असा दावा केला होता.
उत्तर प्रदेशमधील बुलंदशहर जिल्ह्यात सोमवारी (३ डिसेंबर) स्यानामधील एका गावातील शेतात मृत गायीचे अवशेष आढळले होते. त्यानंतर येथील लोकांनी संतप्त होऊन रास्ता रोको केले. यावेळी मोठ्या प्रमाणावर हिंसाचार झाला. या हिंसाचारात पोलीस निरीक्षक सुबोध कुमार सिंह यांची हत्या झाली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
