तिरुवनंतपुरम | केरळमध्ये पुरग्रस्तांच्या मदतीसाठी देशभरातून नाही तर परदेशातून देखील मदत करण्यात येत आहे. केरळच्या मततीसाठी संयुक्त अरब अमिरातकडून (यूएई) यांनी मदतीचा हात दिला आहे. यूएईकडून जवळपास ७०० कोटींची आर्थिक मदत करण्यात आली असल्याची माहिती केरळचे मुख्यमंत्री पिनारयी विजयन यांनी दिली आहे. केरळमधील महापूर, पुनर्वसन व पुनर्बांधणीसंबंधी चर्चा करण्यासाठी येत्या ३० ऑगस्टला विशेष अधिवेशन घेण्याची शिफारस राज्यपाल यांच्याकडे करण्यात येणार असल्याचा निर्णय घेण्यात आल्याची माहिती मुख्यमंत्र्यांनी दिली आहे.
केंद्र सरकार आणि इतर राज्यांची मदत
केंद्र सरकारने केरळ नैसर्गिक आपत्तीसाठी ५०० कोटींच्या मदतीची घोषणा केली आहे. त्याचबरोबर विविध राज्यांनी देखील मदतनिधी दिली आहे. महाराष्ट्राने २० कोटी रुपये दिले. तर दिल्ली सरकारने १० कोटी, तेलंगणा २५ कोटी, आंध प्रदेश १० कोटी आणि पंजाब १० कोटीची रक्कम देण्यात येणार आहे.
आमदार-खासदार एक महिन्याचा पगार देणार
शिवसेना आणि काँग्रेसच्या आमदार-खासदारांनीही केरळ पूरग्रस्तांना मदत म्हणून आपला एक महिन्याचा पगार देण्याची घोषणा केली आहे. काँग्रेस अध्यक्ष राहुल गांधी यांनी महासचिव आणि प्रदेशाध्यक्षांसोबत घेतलेल्या बैठकीनंतर ही माहिती दिली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
