मुंबई – बालगुन्हेगारीमध्ये दिवसेंदिवस वाढ होत असल्याबद्दल नेहमीच चिंता व्यक्त होत आहे. या पार्श्वभूमीवर पंजाबमध्ये एक माणुसकीलाच काळीमा फासणारी घटना उघडकीस आली आहे. एका १६ वर्षांच्या मुलाने नऊ वर्षाच्या मुलाची हत्या करून त्याचे मांस खाऊन रक्तही पिण्याचा किळसवाणा प्रकार लुधियाना येथे घडला आहे.
दीपू कुमार असे हत्या झालेल्या दुर्दैवी मुलाचे नाव आहे तर किशोर असे आरोपी मुलाचे नाव असून तो आठवीत शिकतो आहे. हे दोघे एकाच परिसरात राहात होते. दीपू कुमार सोमवापपासूनच घरातून बेपत्ता झाला होता. शोधाशोध करून त्याच्या कुटुंबीयांनी अखेर पोलिसांत तक्रार नोंदवली. नंतर शिर नसलेला दीपूचा मृतदेह शहरातील डुगरी परिसरात निर्जन ठिकाणी सापडला. पोलिसांनी परिसरातील सीसीटीव्ही फुटेज पाहिले असता दीपू आणि आरोपी मुलगा दिसले. त्यावरून पोलिसांनी आरोपी किशोरला ताब्यात घेऊन चौकशी केली असता त्याने गुन्ह्याची कबुली दिली.
पोलिसांनी दिलेल्या माहितीनुसार, पतंगाचे आमीष दाखवून दीपूला आरोपीने घरी नेले. त्याचा गळा दाबून त्याची हत्या केली. त्यानंतर शस्त्राने त्याचे सहा तुकडे करून मासं खाल्ले आणि रक्तही प्यायलो, असे किशोरने सांगितले.
आरोपी मनोरुग्ण असल्याचा संशय पोलिसांनी व्यक्त केला आहे. त्याला आरोग्य तपासणीसाठी रुग्णालयात नेण्यात आले आहे. मांस खाण्यासाठी आसुसलेल्या या मुलाने अनेकदा स्वतःचेही चावे घेतले होते, असेही पोलिसांकडून सांगण्यात आले आहे
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
